"Al Condominni" poesia brillante in dialetto parmigiano di Bruno Pedraneschi,letta da Enrico Maletti

Estratto di un minuto del doppiaggio in dialetto parmigiano, realizzato nell'estate del 1996, tratto dal film "Ombre rosse" (1939) di John Ford. La voce di Ringo (John Wayne) è di Enrico Maletti


PARMAINDIALETTO Tv


Tgnèmmos vìsst
Al salùt pramzàn äd parmaindialetto.blogspot.com

“Parmaindialetto” è nato il 31 luglio del 2004. Quest’anno compie 16 anni

“Parmaindialetto” l’é nasù al 31 lùjj dal 2004. St’an’ al compìssa 16 an’

Per comunicare con "Parmaindialetto" e-mail parmaindialetto@gmail.com

L’ UNICA SEDE DI “Parmaindialetto” SI TROVA A PARMA ED E' STATO IDEATO DALLA FAMIGLIA MALETTI DI “PÄRMA”.







martedì 22 gennaio 2013

"Il Pagéli di Crozè in djalètt Pramzàn" Testo pubblicato sulla Gazzetta di Parma del 22 gennaio 2013 Chievo - Pärma 1-1




(Testo in dialetto parmigiano)
Chievo Pärma 1-1

Mirànt séz : parädi a zvintajäda, parchè a dirla tùtta jerdlà sa gh’éra ‘na scuädra ch’ l’a gh’ äva da vénsor l’a n’ n’éra mìga al Pärma sicur, mo sul gol t’é fat ‘na gàta äd còlli grosi un bél pò, elóra fèmma la médja e bón’n a nòt sonadór; ädla tozäda n’ in parlèmma pò la pròsima partìda

Rosi séz : dòpa un bél pò äd partidi fóra, al riéntor l’é stè discrét, a mancäva un pò al rìttmo ch’al té fäva sfondär al second témp, mo a t’ vedrè ch’ al riva ala zvèlta !

Palètta sìncov : a m’ in dispjäz ragas mo ciapär un gol acsì e lasär al Chievo pu ocazjón che a còjj äd domenica pasäda l’é n’asurditè ! Òccio che domenica ‘rìva l’atacant pu bón dal campionät…. A gh’ vrà äd l’ätor par fermärol

Zacärd sìncov : Miclón anca par tì ‘na domenica da zgasär subìt, a t’ paräv pu la Kostner che un zugadór äd balón, sémp’r a blizgär, sémp’r in dificoltè, semp’r in ritärd sula bala, insòmma anca par tì domenica ch’ vén tirär fóra la grénta ädla fésta ch’ la servirà sicur

Lucaréli sìncov : non c’è il due senza il tre….. tri centräl e tri sìncov, e anca par tì väla al stés discors, con lilór òc’ avèrt e gamba tonica sionò l’é nòta…. E tanta concentrasjón
Gobbi sìncov : anca ti Massimo con col Sardo lì t’é tribulè cme s’ al fìss stè Roberto Carlos, anca se ‘na partìda a n’ cambia mìga al giudìssi äd ‘na stagión fin adésa strepitóza



Valdes séz : Calimero, col camp arè dal Bentegodi al n’éra mìga sicur al post giusst p’r un diretór d’orchéstra, e cme difati t’é fat ‘na partìda normäla con un pär äd tir che cuand a t’ sarè scualifichè col Pärma a t’ pól andär col Rugby a fär il trasformasjón ch’ a t’ sarìss parfét

Marchionni sìncov : anca ti Marchino cme Gobbi t’é un pò tirè al fjè e un pò väl al discors äd Calimero, p’r un zugadór técnich col camp lì l’é imposìbbil ! Dai domenica m’arcmand anca tì där al tutt par tutt !


Paról sìncov : mi speräva che cme al solit al second témp a t’ cambìss märcia, invéci njénta, al carburatór l’é restè impomè e tùtta la  partìda a t’ si andè a tri sé mìga a du; m’arcmand anca ti taljànd e revisión prìmma äd domenica par l’amor dal Sgnór

Belfodil nóv : séns ätor al pu bón dal Pärma, un tir un gol e l’ùnnich ch’ l’à sarchè d’ésor pericolóz ! Zugadór d’altìssim livél sperèmma ch’ al pòsa restär un pò a Pärma parchè second mi a gh’ sarà la fila con di gran asìggn ala porta äd Pédor

Sansón  sètt : assist spetacolär, da grand zugadór, però p’r al rést poca roba, anca se cuand a t’è ciapè al cartlén giäld second mi l’éra rigor, mo anca par ti zugär insìmma a n’camp acsì l’é dura! E domenica m’arcmand, second mi a t’ si l’òmm giusst p’r imbuzir la diféza dal Napoli

Donadón séz : Mìsster anca se a dirla tùtta a sèmma stè inguardàbil, l’é important in partìdi acsì gnir a ca’ con un pónt in manéra…. E adésa  m’arcmand ch’ al mètta sòtta carga chi ragas tùtta la stmana, parchè domenica a gh’ tén a vénsor tant cme con la scuädra äd domenica indrè ( che insòmma a né gh’ la cäv mìga ciamär par nòm tant la m’é simpatica ) AVANTI CROCIATI

(Tgnèmmos vìsst)
(Testo di Crociato 63)

(Correzione ortografica a cura di Enrico Maletti)

Nessun commento: