Estratto di un minuto del doppiaggio in dialetto parmigiano, realizzato nell'estate del 1996, tratto dal film "Ombre rosse" (1939) di John Ford. La voce di Ringo (John Wayne) è di Enrico Maletti


Con la qualità non si scherza. Parola di Enrico Maletti

PARMAINDIALETTO Tv


Tgnèmmos vìsst
Al salùt pramzàn äd parmaindialetto.blogspot.com

“Parmaindialetto” è nato il 31 luglio del 2004. Quest’anno compie 13 anni

“Parmaindialetto” l’é nasù al 31 lùjj dal 2004. St’an’ al compìssa 13 an’

Per comunicare con "Parmaindialetto" e-mail parmaindialetto@gmail.com

L’ UNICA SEDE DI “Parmaindialetto” SI TROVA A PARMA “PÄRMA”.







martedì 29 ottobre 2013

"Il Pagéli di Crozè in djalètt Pramzàn". Pärma - Milan 3-2 Testo pubblicato sulla Gazzetta di Parma del 29 ottobre 2013

 
 
 
(Testo in dialetto Parmigiano)
Pärma Milan 3-2
 
Mirànt òt : cuand la scuädra la paräva ‘na näva in méza ala buféra, l’à fat do gran parädi su Kakà e dòpa la buféra è rivè l’ ärcbaléstor
 
Casàn séz : purtròp a n’é mìga al so ról, però pjan pjanén al gh’é ‘drè ciapär ilj amzùri, e còza pù importanta al n’à mìga fat dìll stupidädi cme al rigor äd Verón’na
 
Lucaréli nóv : Balotéli al balón l’al vèdda incó a Milanél parchè jerdlà a ’n l’à mäj vìsst : insòmma gh’é poch da fär dòpa cla sira äd la pizza dal Maria Luvìggia a Säla, sia ti che Paról a gh’ i ‘na märcia in pù, bizòggna ch’ a gh’ gnì ‘na volta ogni cuìnndoz dì e portärogh anca coj ch’ a fa fadìga ; e a propozit äd Capitàn Cocoon, a son adrè  portär fortón’na anca a Morón ch’ l’ à sgnè ancòrra un gol decizìv, vót nóv anca a lù mo ormäj sarà ora ch’ a fì in manéra äd färm’ avér il vostri majètti ch’ a m’ j’ a mériti anca mi no ?
 
Felipe séz : ecco ti sarìss un bél lavór ch’ a t’ gnìss a magnärla sùbbit la pizza da Sasà, parchè a t’ si còll che dardè al zbanda pù äd tùtt e ch’ a fa pù fadiga
 
Gobbi séz : al solit zugadór, regolär, puntuäl, afidàbil, insòmma ‘na garansja, un zugadór da fär zugär sémpor a oc’ strìch
 
Biabiany òt : anca jerdlà un cuälch vód, mo ‘na gran partìda e decizìv insìmma ai prìmm du gol, pénsa se da ch’ l’ätra pärta tutt il fésti a gh’ fùss al fradél abronzè d’Ibrahimovic che cucagna ah ?
 
Marchionni séz : prìmm témp da lisärs’ i barbìz, second témp un po’ in apnea mo finalmént t’è avärt al cavàgn ädla maruga e d’ l’esperjénsa e t’è zughè ‘na partida bél mancè con tanta inteligénsa
 
Gargàn séz : al solit, par la corsa e l’impìggn déz sariss anca pòch, mo porco d’un mond al roba sént balón e novantòt al j’ à dà indrè a ch’j ätor e po’ cla traversa li… dailà as fa gol e basta
 
Paról sentdéz e lode : du gol un assist, l’ à cors cme Varenne, l’éra dapartutt, e sémpor con luciditè e cualitè ecesjonäli, chisà in ch’ il pizzi lì co’ l’ gh’à mìs déntor col colero äd Sasà ! Adésa cménsa al difìccil, e cioè tgnìr’l a Pärma almeno un ät’r an’ parchè a gh’ sarà béle parécc’ ch’ a pìccia ala porta äd Pédor che po’ a n’é mìga vón ch’ al l’à téna saräda bombén
 
Amauri sìncov : tato, la grénta la ’n manca mäj, mo réndot cont anca tì ch’ a ’n t’é ancòrra fat un tir in porta st’ an’ e sinceramént  l’é un po’ poch ! N’ ätor candidè par la pizza porta fortón’na,  fat portär da Lucaréli e Paról, tant da Colècc’ a gh’ vól du minud d’arlój
 
Casàn nóv : un géni, gol, assist, zugädi strepitózi e un rigor clamoróz dato che a moménti i gh’ stacon la tésta dal col; purtrop i géni  d’ogni tant i van in black out e l’à fat l’assist anca a Matri che a minud al s’ fa pèrdor la partìda, mo che spetacol vèddrol zugär, l’é cme andär al Louvre tutt il fésti
 
Donadòn sètt : cme ‘l solit al prepära benìssim la partìda mo al né sa mìga gestir la concentrasjón tra ‘l prìmm e al second témp ! Mìsster metèmma a post ch’ la còza chi che sta stmàna a gh’é do partìdi importanti ch’ a ’n vrèmma mìga pèrdor
 
Riko e Palètta vintinóv : Riko l’é un ragasén äd Säla mé amìgh, tifozìssim dal Pärma e anca äd Palètta e cme Palètta l’é anca lù difensór, colón’na äd la so scuädra e purtrop cme lù anca ciapè äd mira dala sfortón’na fin da l’inìssi äd l’an’ tant che nisón di dù l’à ancòrra zughè, elóra in bòcca al lòv ch’ a son sicur ch’ a tornarì prést in camp tutt dù pù fort che prìmma! Riko e Palètta a la riscòsa ! AVANTI CROCIATI
(Tgnèmmos vìsst)
 
(Testo di Crociato 63)
 
(Correzione ortografica a cura di Enrico Maletti)
 
 
 

Nessun commento: