Estratto di un minuto del doppiaggio in dialetto parmigiano, realizzato nell'estate del 1996, tratto dal film "Ombre rosse" (1939) di John Ford. La voce di Ringo (John Wayne) è di Enrico Maletti


Con la qualità non si scherza. Parola di Enrico Maletti

PARMAINDIALETTO Tv


Tgnèmmos vìsst
Al salùt pramzàn äd parmaindialetto.blogspot.com

“Parmaindialetto” è nato il 31 luglio del 2004. Quest’anno compie 13 anni

“Parmaindialetto” l’é nasù al 31 lùjj dal 2004. St’an’ al compìssa 13 an’

Per comunicare con "Parmaindialetto" e-mail parmaindialetto@gmail.com

L’ UNICA SEDE DI “Parmaindialetto” SI TROVA A PARMA “PÄRMA”.







lunedì 24 dicembre 2012

"Il Pagéli di Crozè in djalètt Pramzàn" Testo pubblicato sulla Gazzetta di Parma del 24 dicembre 2012. Bològgna - Pärma 1-2


 
(Testo in dialetto parmigiano)
Bològgna Pärma 1-2
Pavarén déz : “al mè” Pavarén l’é ormäj vón äd ca’, e da vón äd ca’ a té t’ fid a òc’ strìcch, al né tradìssa mäj e cme tutt il còzi äd Pärma pu al stà lì a stagjonär pu al vén bón, cme un Parsùtt äd Pärma, cme un salàm äd Flén, cme ‘na fórma äd pramzàn ! Strepitóz !

Benalouane nóv : partìda dòpa partìda al cmanda sémp’r äd pu insìmma ala so fasa, con cla ghìggna che sa té t’ la cat davanti tra ‘l lum e ‘l scùr a t’ véna un balordón, j’avarsäri i fan dé spèss un pas indrè

Lucaréli òt : insìmma al gol ti e i tò compagn äd diféza a s’érov in fila cme la stècca in méz dal barlòch, (calciobalilla) e i v’àn fat la riga, p’r al rést partìda ordinäda e bón’na diresjón dal repärt contra tri atacant nojóz

Santacróza òt : cól ragas chi l’é l’ezémpi äd cme al Mìsster al téna in considerasjón tutt cuant ala stésa manéra, acsì tutt j én pront a figurär bén cuand a tòcca a lór ! ‘Na  béla sorpréza !

 
 
Gobbi nóv : e adésa Masssimo ‘na meritäda vacansa dopa ch’ a t’ é tirè al carètt par tutt al girón d’andäda sénsa ricambi e sénsa mäj tirär al fjè con la perla dal nùmmor  “ ala Donadón” sul gol äd Sansón

 
Biabiany séz : e ringrasja i tò compagn ch’ j àn véns sionò l’éra un cuàtor ! Dailà l’é veramént un delitt con chi nùmmor ch’ a t’ gh’è butär via tanti ocazjón ! Adésa ch’ al né zuga pu próva a dmandär a Hernan sl’ é iscrìtt al regìsstor di donadór äd maruga e fàtni trapiantär un bél pò dailà !

Valdez déz : un gol acsì, du minud dòpa ch’ a s’é andè sòtta al basta e avànsa par där un déz : bón Nadäl Calimero !

 
 
 
 
Marchionni nóv : insòmma Marchino l’é un pjazér p’r j’ òc’ par chi äd balón n’ in zgàgna ! Elegant cme un balarén äd tango, precìz cme un geometra, fantazjóz cme un pitór, concrét cme un ragionér, tutt complimént meritè, ätor che pensjón !

 
Paról nóv : adésa ch’ al gh’ à ‘na gamba ch’ al pär  Gelindo Bordin, l’é importànt bombén parchè al cuzìssa tutt i repärt in continuasjón, e al fa in manéra che la scuädra la sia sémp’r in superioritè numerica ! Da du méz a sta pärta al second témp al Pärma al masacra tutt fizicamént, e Paról l’é còll ch’ a còrra pu äd tutt e pu äd tutt al fa la difarénsa

Sansón déz : prìmm an’ in sèria A, tri gol da nóv pónt, ‘na concretèssa da gran zugadór, e tutt i nùmmor par dvintärol dabón, bècch äd fér compréz ! Sémp’r al colp in càna e ala prìmma ocazjón al né pardón’na nisón ! Bravìssim anca a n’ färos mìga fär l’òm adòs da nisón

Belfodil òt : meno devastànt che cól Cagliari, mo sémp’r in carsimònja ! P’r ezémpi jerdlà a l’ ò vìsst zugär con la scuädra cme mäj prìmma ! Anca a lu la cura Donadón la né gh’  fa che bén

Donadón déz e lode : Mìsster dato che second mi trop complimént i t’ dan cuäzi fastìddi e pò a n’ so pu cuäl complimént nóv inventär dato ch’ a t’ j’ ò béle fat tutt, a mètt il man avanti : prìmma al Palèrom, mo pò a t’ digh ‘na data e basta : trèddz äd Znär ! A m’ són béle spieghè !

Bibì e Bibò déz :  L’é n’ an’ ormäj ch’in zbàljon cuäzi pu njént e j’ àn dimostrè d’aver imparè da j erór e d’ésor stè a consìlli, dimostrasjón ch’j én parsón’ni inteligénti élora complimént, avanti acsì, Bón Nadäl,che al 2013 al sia cme mìnnim cme al 2012 avguri a tutt e AVANTI CROCIATI !
(Tgnèmmos vìsst)
(Testo di Crociato 63)
 
 
(Correzione ortografica a cura di Enrico Maletti)
 

Nessun commento: