Estratto di un minuto del doppiaggio in dialetto parmigiano, realizzato nell'estate del 1996, tratto dal film "Ombre rosse" (1939) di John Ford. La voce di Ringo (John Wayne) è di Enrico Maletti


Con la qualità non si scherza. Parola di Enrico Maletti

PARMAINDIALETTO Tv


Tgnèmmos vìsst
Al salùt pramzàn äd parmaindialetto.blogspot.com

“Parmaindialetto” è nato il 31 luglio del 2004. Quest’anno compie 13 anni

“Parmaindialetto” l’é nasù al 31 lùjj dal 2004. St’an’ al compìssa 13 an’

Per comunicare con "Parmaindialetto" e-mail parmaindialetto@gmail.com

L’ UNICA SEDE DI “Parmaindialetto” SI TROVA A PARMA “PÄRMA”.







lunedì 10 dicembre 2012

"Il Pagéli di Crozè in djalètt Pramzàn" Testo pubblicato sulla Gazzetta di Parma del 10 dicembre 2012. Atalanta-Pärma 2-1


 (Testo in dialetto parmigiano)
Atalanta Pärma 2-1  
Mirànt cuàtor :
ai mè témp a s’ droväva l’òli canforè par scaldäros, a s’ vèdda che adésa al né va pu äd mòda parchè sui gol a t’ s’ér rìggid e piantè cme un pinguén

Pavarén sètt :
al solit ! Sicurèssa e trancuilitè a vagonädi, par lu e par tùtta la scuädra !

Lucaréli tri :
Oh Capitàn có fiv li dardé ? Gh’é da cambjär bar par la clasjón ? O invéci dal capusén a provèmma con la Red Bull ? Dai eh, forsa e coràg’ ch’ a gh’ manca do partìdi a Nadäl, ch’ a gh’é béle Monti ch’al sé ciùccia su tutt, sarchì almeno vojätor äd färos du béj regäl

                             Zacärd du :

dailà Miclón, du gol dò dormìdi, a Ròmma ‘na dormìda e méz ! Elóra co fèmma ? Tòcca a ti vè, con la tò clàsa e col tò curriculum mèttrot davanti al ciòp. Ciapär tutt par man e voltär pagina sùbbit ! E p’r al gran zugadór ch’ a t’ si a son sicur che la pagina béle da martedì la srà giräda

Palètta zéro : compàgn a Miclón, con in pu al gol magnè, anca col lì clamoróz ! A spér ch’ la sia ‘na tatica äd marchè par n’andär mìga via a znär da Pärma parchè j’én do fésti ch’ a t’ n’ in fè vùnna pu che Bartòld

 

Gobbi sìncov :
L’éra da mèttr’in preventìv che rivè a Santa Lusìa a gh’ podäva gnìr un pò äd fjè curt, l’é da st’ istè ch’ al fa ch’ la fasa li avanti e indrè, sénsa ricambi, e prìmma o pò un pò äd fiàca l’é normäl ch’ la pòsa rivär

Marchionni séz : dil volti Marchino a t’ si fin tròp genjäl parchè sèrti zugädi i ’n ja capìsson gnanca, purtrop tòcca a ti sarcär äd tirär fóra la botìllja gjùssta a second äd chi a t’ pas la bala, parchè mìga sémp’r al champagne al va bén, a t’ gh’è da tgnìr a portäda äd man anca la torciadùra

Acquah du :
gran fìzich, però dòpa a m’ vén in ménta njént’ ätor ! Du pè ch’ al compra il scarpètti da Bia, senso tattico ch’ al tribularìss anca a Risiko, insòmma a gh’ vól dè dal gran concìm e dacuè in continuasjón parchè l’é mälmadur in manéra spaventòza

Paról séz :
 gran lavór da sartór, a cuzìr su un pò tutt, purtrop sénsa gran risultät, mo almeno l’impìggn al gh’é stè e sénsa fär di dizastor cme Acquah

Biabiany cuàtor :
l’é véra ch’ a t’é fat al tarsén ( che pò second mi l’é al tò pòst ), invéci l’é pròprja li ch’a t’ gh’ äv fat gnir fóra con la corsa ch’ a t’ gh’é ‘na gran confuzjón, ch’ a t’ paräv anca ti ai campètt cuand a s’ vèdda ch’ il partidi vintisìncov contra vintisìncov col bórsi äd la Coop cme päl e còlli äd l’esselunga cme bandéri dal corner

Sansón séz : ala fén dal cilìnndor a n’é mìga saltè fora al cunì, però la corsa e i témp äd zógh da gran zugadór ì gh’én tutt ! Second mi col ragas chi al sé darà ancòrra dil béli sodisfasjón

Amaurì òt :
ecco al Re Leone ch’a s’ pjäz a nojätor, partìda äd sostansa, äd vlontè, äd grénta e purtròp col colp äd tésta andè fóra pròprja par cuestjón  äd milimèttor, mo s’ a t’ savìss cme gòd a vèddor un zugadór acsì ch’ al lòta cme un león con la crozäda adòs…

Donadón sìncov :
eh no Mìsster, ormäj col difét chi d’andär in trasferta e regalär cuaranta minud a chj ätor al vól eliminè. A Ròmma socuànt mìlla an’ fa i dzävon “errare humanum est” e la fräza a gh’ la läs fnìr a lu che sicur al sà cme la fnìssa ! dai animo ch’ a vój séz pónt sòtta a l’älbor äd Nadäl !!!
(Tgnèmmos vìsst)
(Testo di Crociato 63)
(Correzione ortografica a cura di Enrico Maletti)

 

 

Nessun commento: