Estratto di un minuto del doppiaggio in dialetto parmigiano, realizzato nell'estate del 1996, tratto dal film "Ombre rosse" (1939) di John Ford. La voce di Ringo (John Wayne) è di Enrico Maletti


Con la qualità non si scherza. Parola di Enrico Maletti

PARMAINDIALETTO Tv


Tgnèmmos vìsst
Al salùt pramzàn äd parmaindialetto.blogspot.com

“Parmaindialetto” è nato il 31 luglio del 2004. Quest’anno compie 13 anni

“Parmaindialetto” l’é nasù al 31 lùjj dal 2004. St’an’ al compìssa 13 an’

Per comunicare con "Parmaindialetto" e-mail parmaindialetto@gmail.com

L’ UNICA SEDE DI “Parmaindialetto” SI TROVA A PARMA “PÄRMA”.







lunedì 4 novembre 2013

"Il Pagéli di Crozè in djalètt Pramzàn". Pärma - Juventus 0-1 Testo pubblicato sulla Gazzetta di Parma del 4 novembre 2013




(Testo in dialetto parmigiano) 
  Pärma juventus 0-1

Mirànt òt : in pratica j àn fat du tir in porta, su còll äd Quagliaréla a ’n gh’éra pròprja njént da fär, su còll äd Tevez invéci  t’é fat ‘na paräda che da lè la väl al bél vót : bél perìod äd forma, e dato ch’ a ’n gh’é mìga in gir chisà còza e Marchetti l’é ‘drè  fär rìddor, sperèmma che Prandéli…..

Casàni sètt : fòrsi la pù béla partìda da cuand l’é a Pärma, purtrop insìmma al gol al n’é mìga stè zveltìssim e còll  la ch’ al pär fat in laboratori  l’é andè pù fort

Lucaréli òt : Giovinco zéro tir, Tevez vón ( mo cuand a gh’éra n’ätor a marcärol ), n’ ätra partìda strepitóza; pòsja dirla tùtta ? Dato ch’ a gh’é i sondàg’ par vèddor se portär Totti ai mondiäl, dato chi gh’ àn la stésa etè, anca Alessandro un gir in Brazil s’al merita tutt fin adésa, e mìga da turista, capì Cezarón ?

Mendes sètt : decìz, concentrè e con ‘na ghìggna tajäda col maràs, gran béla impresjón, purtrop ch’ l’amonisjón l’à consiljè al Mìsster äd cambiärol vèrs la fén par la paura äd restär in déz, parchè a ’n vèdd ätor motiv a ésor sincér

Gobbi séz : eh Massimo gran prezénsa cme al solit, padrón äd la fàsa sinìsstra, purtrop a t’ gh’è avù su ocazjón da fär mäl mo mäl dabón e a t’ j è butädi via e contra lilór ch’ i läson il brìzi e basta, a vol magnè anca còlli lì sionò a s’ móra äd fama

Biabiany séz : eh stavolta a ‘n gh’éra mìga Constant insìmma ala fàsa e té t’ si divertì meno, però ch’ la voläda a sorpasär al camlón cuand po’ a t’é fat l’assist p’r Amauri l’é städa pròprja spetacolära, mo l’é städa l’ùnnica volta ch’ in t’ àn mìga radopiè da ch’ la pärta li a tutt il manéri béla partìda

Marchionni sìncov : s’al còrra trop al pèrda luciditè, s’al còrra pòch al va fóra da zógh, in méza al camp a n’é mìga al so mestér e dónca al fa béle pù fadiga, a s’ rìssgia ch’al faga la fén äd Calimero, insòmma da du a s’ fa fadiga ormäj a tirärni fóra vón

Gargàn sìncov : cuand  s’älsa al livél, la corsa la ’n basta pù e jerdlà purtòp s’ é vìsst, lilór i gh ‘ àn un centorcàmp cój barbìz e topo gigio l’é restè sénsa formäj da rozgär

Paról sètt : eh chi sèmma ‘drè  parlär d’un zugadór äd n’ätor livél ( ti Pédor fa fénta äd lézor miga, d’acordi ?? ), sia tecnicamént che fizicamént e cme difati a livél fìzich a metè camp l’à tgnu su la baraca da lù contra chi du armäri äd Pogba e Vidal, e anca un assist belìssim par Gobbi al prìmm témp ! Prandéli… e con chilù i fan trì da marcär

Amauri   sìncov : veramént, a ’n podì  gnanca imaginär cme a m’ dispjäz där di brutt vót a un ragas ch’ al né rispärmia gnan ‘na gòssa äd sudor in camp, purtrop al centravanti e al portér j’én i du ról pù bastärd äd tutt, al portér s’al fa ‘na gàta a s’ vèdda sùbbit, e un centravanti s’al né tira mìga in porta idem, e da l’inìssi äd l’an’ l’ùnnica porta ch l’ à visst l’é còlla ch’al réva cuand al torna a ca’

Casàn  sìncov : còsst l’é un vót p’r al Mìsster ch’al gh’ à tirè al col anca a Gènnva cuand l’éra pròprja al momént äd färogh tirär al fjè ! Gh ’é bizòggn äd spiegärgol Mìsster che Fantantonio trèj partìdi in séz dì al j a pól  fär a brìsscola,  mìga pù a balón ??

 

Donadón sìncov: cme al solit Mìsster la preparasjón inisjäla e al zógh j’én parfét, mo cascämma in-t-i particolär cme còll ch’ a gh’ ó apén’na dìtt äd Casàn e in-t-i cambi, in pù dil volti zò äd témp prìmm äd tutt

AVANTI CROCIATI !!!

(Testo di Crociato 63)

(Correzione ortografica a cura di Enrico Maletti)

 

 

Nessun commento: