Estratto di un minuto del doppiaggio in dialetto parmigiano, realizzato nell'estate del 1996, tratto dal film "Ombre rosse" (1939) di John Ford. La voce di Ringo (John Wayne) è di Enrico Maletti


Con la qualità non si scherza. Parola di Enrico Maletti

PARMAINDIALETTO Tv


Tgnèmmos vìsst
Al salùt pramzàn äd parmaindialetto.blogspot.com

“Parmaindialetto” è nato il 31 luglio del 2004. Quest’anno compie 13 anni

“Parmaindialetto” l’é nasù al 31 lùjj dal 2004. St’an’ al compìssa 13 an’

Per comunicare con "Parmaindialetto" e-mail parmaindialetto@gmail.com

L’ UNICA SEDE DI “Parmaindialetto” SI TROVA A PARMA “PÄRMA”.







mercoledì 21 novembre 2012

E’ legge la riforma dei condomini. Per gli animali non si potrà più vietare a nessuno di tenere animali in casa. BRICIOLA di "PARMAINDIALETTO" è soddisfatto per i suoi amici a 4 zampe.


 
 
(Testo blu in italiano)
La riforma dei condomini diventa legge. La commissione di Giustizia del Senato con voto praticamente unanime ha approvato in sede legislativa il progetto di legge così come era stato modificato alla Camera. Il testo prevede, tra l’altro, il fatto che non si possa  più vietare nei condomini la presenza di animali. Ma detta anche regole per la figura dell’amministratore. Per gli animali non si potrà più vietare a nessuno di tenere animali in casa. Ma dovranno essere animali domestici. Maggior rigore a chi nei condomini reca disturbo o danni. Per chi viola il regolamento condominiale, la sanzione è stata aggiornata: da € 0,52 (pari a 100 lire) a 200 euro per i recidivi si arriverà a 800 euro. Qui sotto la poesia in dialetto parmigiano “Al Condomìnni” di Bruno Pedraneschi.



(Testo giallo dialetto parmigiano)
L’é légia la riforma di condomìnni.
La riforma di condomìnni  la dvénta légia. La comisjón  äd Giustìssia dal Senàt  con vot praticaménte unanìm  l’à  aprovè in séda  legislatìva al progét’  äd légia  acsì cme l’éra stè modifichè ala Camra. Al tést al  prevèdda, tra l’ätor, al fat che n’ s’ pòsa  pu vietär  in-t-i  condomìnni  la prezénsa  äd  béstji. Po a gh’é  anca dìl regoli  par la figura äd l’aministradór. P’r il béstji  a n’ s’ podrà pu  vietär  a nisón  äd tgnìr dil béstji  in ca’. Però i dovràn  ésor  béstji  par la ca’. Pu  rigor  a còji che  in-t-i  condomìnni  i porton  disturob  o dan’. Par còjj  ch’ a dzobdìssa  al regolamént  condominjäl, la sansjón  l’é städa agiornäda: da € 0,52 (päri a 100 lire) a 200 evro p’r i recidìv  a s’ rivarà a 800 evro. Chì sòtta la poezia in djalètt  pramzàn  “Al Condomìnni” äd Bruno Pedraneschi.

 “Al Condomìnni”

Par concuistär un po äd libartè,
l’òmm al mond l’à sémpor combatù,
in a cuand al condomìnni  l’à inventè
par ritornär ancòrra in s’ciavitù.
 
Con il so normi, con i so regiolamént,
la proprjetè l’é gnuda  ‘n’ iluzjón,
ti t’  crèdd  d’avér comprè n’apartamént,

po  te t ‘ n’ acòrz ch’ l’é sol un nì äd bezjón:
 
con chi mur fat äd cärta suzarén’na
t’è pèrs la chjéta e anca l’intimitè,

e dal’ atich infinn’ ala cantén’na,

t’è mìss i to segrét in socetè!
 
Séntot ciocär i pjat con di cuciär?
J  én còjj dal pjantarén  ch’ i van a sén’na,
gh’é la bjónda dal térs ch’ l’é adrè cantär:
e l’avocät ch’ al tira la cadén’na.


Se par cäz po a t’ tacàgn con to mojéra

Opur a t’ gh’ é bizòggn d’andär in bagn,

An’ s’a t al fè pjanén, con manéra,

chj äor i san tutt, an còll ch’ a t’ magn.

 
Ala not po, a vén cuäzi al sospét,

ch’la sia ‘na ca’ indovva a s’ ghe sénta:

a gh’é dapartùtt un movimént äd lét,

‘dla génta ch’a brangoggna, ch’la s’laménta.

 
In méza a tutt chj armór, cla confuzjón,

a n’ t’é mäj trancuìll gnanca un istànt,
e dil volti a t’ gh’è la sensasjón

ch’a sia rivè in-t-la camra al to zvinànt.

 
Do ragàs po, a n’ parlammo mìga,

ja molon cme s’i fusson di pisón,’a te

vón al zbraja, cl’ ät’r al canta ‘n ät’r al crida
i päron tant scadnè fjól äd nisón!

 
Però s’ a te t’ parmètt a ‘na sert’ óra
‘d dmandär un pò äd silénsi, par pjäzér,

il mädri sta sicùr, i sälton fóra:

e alóra tocrà a ti, dovér tazér!

 
Preciza pròprja acsì cme a v’ l’ò contäda
L’é la vitta in tutt sti cazamént,

la libartè chì l’òmm al l’à impicäda:

ataca a vón ‘d chi träv fat äd cimént.

 
Sól par cl’ indivìddov ch’ l’é nasù curjóz,
al Condominni l’é un grand teator.

Fat par sodisfär i so istìnt morbóz

E saver sémpor tutt còll ch’a fa chj ätor.

 
Par lu; tutt còll ch’ sucéda in-t-al palàs

ädla  vìtta, l’é soltànt ‘na secuénsa,

tùtta roba da ligär in-t-un bél fas:
ch’al servirà par fär ‘dla maldicénsa!!!

(BRUNO PEDRANESCHI)


Nessun commento: