Estratto di un minuto del doppiaggio in dialetto parmigiano, realizzato nell'estate del 1996, tratto dal film "Ombre rosse" (1939) di John Ford. La voce di Ringo (John Wayne) è di Enrico Maletti


Con la qualità non si scherza. Parola di Enrico Maletti

PARMAINDIALETTO Tv


Tgnèmmos vìsst
Al salùt pramzàn äd parmaindialetto.blogspot.com

“Parmaindialetto” è nato il 31 luglio del 2004. Quest’anno compie 13 anni

“Parmaindialetto” l’é nasù al 31 lùjj dal 2004. St’an’ al compìssa 13 an’

Per comunicare con "Parmaindialetto" e-mail parmaindialetto@gmail.com

L’ UNICA SEDE DI “Parmaindialetto” SI TROVA A PARMA “PÄRMA”.







martedì 26 gennaio 2010

Il Pageli di Crozè in djalètt Pramzàn, testo pubblicato sulla Gazzetta di Parma del 25 gennaio 2010








(Testo solo in dialetto Parmigiano)
Catania Pärma 3-0

Mirant sèt : e l’é tut dir, l’à limitè al pasìv con socuànti parädi decizìvi ! L’éra cme ésor al frónt con ‘na sfrómbla in man !

Dellafiore zéro : al gh’ äva la facia d’un putén ch’ al s’é pärs al marchè e ’l né cata pù so mädra! L’éra lì par cäs

Lucaréli zéro : chi l’à vìsst Mascara ? A l’ò vìsst pù mi in tele che lù in camp, un dizàstor totäl

Paci dù : se non ätor l’é stè còll con pù impìggn l’ à zardè in méza, con pòca sostansa l’é véra ma la grénta par lù la gh’è städa

Panucci zéro : dòpa Gènnva a né ’t si pù stè col äd l’inissi ! Lént piantè sénsa grénta sénsa vója, có é drè sucédor Christian ? No parchè acsì a né ’s va miga avanti bombén

Morón zéro : in ritärdi sul prìmm gol , in ritärdi tùtta la partìda, cme ch’ j ätor dal rést ! bravo a dmandär scùza ai tifóz, ma a ’n basta miga a vól cambjè regìsstor subìt

Dzemaili zéro : a giùr ch’ a né ’m ricord miga d’avärol vìsst incuadrè ‘na volta a pärta la gomndäda, l’é béle dit tùtt

Lunardén zéro : ‘na spana e ‘na märcia in meno, al paräva l’ozlén d’al frèdd in méza, la paura in-t-ì oc’ secónd mi a gh’ éra davis d’ ésor in-t-un film äd Dario Argento

Mariga du : unica cóza l’alibi d’ésor rientrè dopa tri méz, p’r al rést njénta äd njénta, ansi pròprja njénta

Bojinov zéro : al vot compagn ai tir in porta ch’ a t’é fat, alj ocazjón, al zugädi importanti, zéro su tùtta la linea !

Amoruso zéro : partìda da späda e Nick al tira fóra al solit fiorètt, risultät…………al s’é vìsst !

Guidolin zéro : Oh Don, có gh’è ??? Có iv fat su a Mälta ? A gh’é cuél ch’ a spùssa in-t- l’ambiént o am zbalj mi ? Certo che Barbiàn l’é drè a dvintär un Gavia o un Mortiról, ànim Don, ànim Pärma

Boys domilasincsént : al vót p’r i Boys j’én i chilometri andäda e ritóron da Via Calestani al Stadio äd Catania, par väddor còl spetàcol lì ! Però adésa par tùtt ch’j ätor ( i Boys j’ al san béle da lor ) l’é al momént äd fär vèddor ch’ a sèmma tifóz dabón, còmda cuand a va tùtt bén, fóra il ……… adésa tùtt cuant che doménica a gh’é l’Inter ! AVANTI CROCIATI
(Tgnèmmos vìsst)
(Pramzàn dal sas)
(Testi di Crociato 63)
(Correzione ortografica a cura di Enrico Maletti)

Nessun commento: