"Al Condominni" poesia brillante in dialetto parmigiano di Bruno Pedraneschi,letta da Enrico Maletti

Estratto di un minuto del doppiaggio in dialetto parmigiano, realizzato nell'estate del 1996, tratto dal film "Ombre rosse" (1939) di John Ford. La voce di Ringo (John Wayne) è di Enrico Maletti


PARMAINDIALETTO Tv


Tgnèmmos vìsst
Al salùt pramzàn äd parmaindialetto.blogspot.com

“Parmaindialetto” è nato il 31 luglio del 2004. Quest’anno compie 16 anni

“Parmaindialetto” l’é nasù al 31 lùjj dal 2004. St’an’ al compìssa 16 an’

Per comunicare con "Parmaindialetto" e-mail parmaindialetto@gmail.com

L’ UNICA SEDE DI “Parmaindialetto” SI TROVA A PARMA ED E' STATO IDEATO DALLA FAMIGLIA MALETTI DI “PÄRMA”.







lunedì 13 gennaio 2014

"Il Pagéli di Crozè in djalètt Pramzàn". Livoron Pärma 0 - 3 Testo pubblicato sulla Gazzetta di Parma del 13 gennaio 2014

 

(Testo in dialetto parmigiano)

Livóron Pärma 0-3

Mirànt déz : grand paräda ala fén dal prìmm témp in-t-un momént fondamentäl ädla partida e sémp’r äd pù al second portér d’Itàlja dòpa Buffon : Prandéli e Pin, fì vù

Rosi òt : cuand al vén ciamè in cavsa cóll ragas chi al risponda sémpor prezént ! ‘Na garansia äd “prìmma fàsa”

Lucaréli déz : l’é tutt un déz p’r al capitàn, parfét anca jerdlà e un colp äd tach anca in-t-la tò area, di lavór mäj vìsst dòpa Beckenbauer, ! Semplicemént stre-pi-tóz !

Mendes òt : partida dòpa partìda cóll ragas chi con la ghìggna da Hollywood al dimòsstra d’ ésor un sjòr centräl,  e po’ zugär ataca a Lucaréli st’an’ l’éra cme zugär ataca a Baresi vint an’ fa, as’ miljóra e s’impära ogni minud, dal martedi ala domenica

Gobbi sètt : prìmm témp un po’ in soferénsa, anca parchè da ch’ la pärta la scuädra l’éra un po’ meno cuatäda, però Massimo óltra ala cualitè al gh’ à anca l’esperjénsa, che in sèrti situasjón la sarvìssa ecome e cme difati l’é gnu fóra ala distansa cme s’al gh’ avìss lu vint’an’

Acquah òt : fòrsi la pù béla sorpreza äd tùtti, ogni fésta al fa méj che ch’ la prìmma, ormäj li in méza al gh’ à ‘na parsonalitè da cine, e con Paról e Marchino al fa su un repärt centräl ai primìssim pòst in Itàlja e cme difati a s’ vèdda anca dala clasifica

Marchionni òt : Gerovital e Multicentrum, e Marchino al va cme un ragasén äd vint’ an’; Gerovital a s’ ciama Acquah e Multicentrum a s’ ciàma Paról, e sperèmma che la farmacia Ghirärdi/Leonärdi la ’n vénda mìga tùtta la scàtla dal second di dù

Paról òt : ecco chi Muticentrum ! Dopa un pär äd partidi acsì acsì l’é béle ‘drè  crèssor ai so livél, e tutt il volti a gh’ ò l’opresjón ch’ a pòsa ésor l’ùlltma pagéla ch’ a gh’ fagh e la speransa che invéci a gh’ n’abia da fär ätri deznóv cme mìnnim

Biabiany déz : a j’ äva dìtt che fin ch’ al téna i cavji biónd pù che un séz a né gh’ l’arìss mäj dè, invéci a gh’ vól dè al màsim di vót dòpa la partìda äd jerdlà e prìmma äd tutt par l’esultansa cuand Amauri l’à fat al 2-0, cuand j’én scatè in du dala panchén’na, vón ch’ à ‘n faga mìga al nòm p’r andär via, lu par còrror da Amauri a festegiär

Amauri déz : du gol, al solit impìggn e ‘na béla corsa sòtta ai tifóz, anca lù par fär capir che mìga tutt i spùdon in-t-al pjat indò i màgnon, ansi par fortón’na a gh’ n’é vón e basta e mi parsonalmént a spér ch’ al vaga a magnär in-t-n’ätor pjat al prìmma posìbbil

Palladén òt : zugadór e ragas ch’ a són adrè  rivalutär bombén ( a pärta il tozädi che mi a ‘n so mìga da che barbér al va ), cuand al sò fizich da Swarowsky a gh’ al parmètta al da sémpor al so contribut äd tecnica e anca äd concretèssa, parchè l’é vón ch’ a gh’ pjäz casärla déntor de spèss e in-t-i momént ch’ a conta ! Bravo

Donadón déz e lode : Mìsster, dopa du an’ ­ch’ l’é a Pärma a m’ sént äd ringrasjärol mo dabón ! Par l’educasjón, la cälma, l’inteligénsa, la serietè e la profesjonalitè ch’ a gh’ mètta tutt i dì in-t-al so lavor, compagnè da ‘na preparasjón tecnica e ‘na capacitè äd gestir la róza, anca a livél psicològich äd prìmm ordin ! Mi a ’n capìss mìga cme gnanca ‘na scuädra äd “prìmma fàsa” la ’n gh’ abia ancòrra picè ala porta, però da egoìssta a són contént acsì ! E adésa dai con la Coppa Italia ! AVANTI CROCIATI !
(Tgnèmmos vìsst)
(Testo di Crociato 63)
(Correzione ortografica a cura di Enrico Maletti)
 

 

 

Nessun commento: