Estratto di un minuto del doppiaggio in dialetto parmigiano, realizzato nell'estate del 1996, tratto dal film "Ombre rosse" (1939) di John Ford. La voce di Ringo (John Wayne) è di Enrico Maletti


Con la qualità non si scherza. Parola di Enrico Maletti

PARMAINDIALETTO Tv


Tgnèmmos vìsst
Al salùt pramzàn äd parmaindialetto.blogspot.com

“Parmaindialetto” è nato il 31 luglio del 2004. Quest’anno compie 13 anni

“Parmaindialetto” l’é nasù al 31 lùjj dal 2004. St’an’ al compìssa 13 an’

Per comunicare con "Parmaindialetto" e-mail parmaindialetto@gmail.com

L’ UNICA SEDE DI “Parmaindialetto” SI TROVA A PARMA “PÄRMA”.







martedì 13 maggio 2014

"Il Pagéli di Crozè in djalètt Pramzàn", Turén Pärma 1-1. Testo pubblicato sulla Gazzetta di Parma del 13 maggio 2014


 

Turén Pärma 1-1
Mirànt séz : gnanch ‘na paräda ch’ a m’arcorda, e insìmma al gol a té gh’ si andè un po’ trop mól, e po’ có él còll colór di cavìj lì ?? t’al imprestè al bocén dal color
Biabiany?? 
Casàni séz : dardè in dificoltè con chi du là chi farìsson tribulär cualùnncue parsón’na, davanti cme sémpor pozitiv e propozitiv, sénsa però ésor acsì precìz cme äd sòlit
 
Lucaréli séz : cme sémpor at’ gh’é butè al cór e al sàngov  in camp, e anca l’espulsjón l’é städa completamént inventäda, ormäj capitàn as’ vedèmma st’ an’ ch’vén e  m’arcmand ch’ a né t’ véna mìga in mént dil còzi strani, ti la cariéra a te gh’ l’é da fnìr a Pärma, sénsa discusjón
Palètta  zéro : am’ crìdda al cór l’òmmo, mo da cuand at’ si andè in Nasjonäle a  t’ n’é pù imbrocäda vùnna che vùnna giùssta e purtrop ch’ j erór chi i s’én costè ‘na stagión favolóza
Gobbi sìncov : njénta Massimo, da cuand a t’é ralentè il prezénsi, at’ si ralentè anca ti, as’ vèdda che arpozärot a né t’ fa mìga bén
Molinär sìncov : dardè cme Casàni, davanti invéci cme Gobbi….. in pochi paroli, poca roba sia davanti che dardè…tròp pòch in-t-na partìda acsì
Marchionni séz : prìmm témp cuäzi inguardabil, second témp invéci t’é tirè fóra tùtta la fòrsa ch’ a t’éra avansè e t’é dè al ritmo ala riscòsa, purtròp riusìda a metè
 
Paról sìncov : eh Marco, dòpa un campionät strepitóz, purtròp a s’é pjè la spia ädla risèrva in-t-al momént ch’a sarvìva la benzina super ansi al cherozéne par j’aparèc’ ! tri méz fa t’arìss fat du gol in-t-al prìmm témp
 
Acquah òt : al pù bón in camp, ormäj ‘na certèssa, anca davanti ormäj l’à catè fiducia e parsonalitè par fär mäl a j’avarsäri e sperèmma ch’ al pòsa ésor ‘na certèssa anca st’ an’  ch’ vén
 
Biabiany séz : al gol ch’al s’à lasè ancòrra un lumén äd speransa, un gol magnè ch’al s’à  zveljè dal tutt da n’ insònni durè séz méz
 
Casàn sìncov : a né s’ pól mìga tirär un rigor acsì in cóll momént lì e in-t-na partìda acsì ; cuand a gh’éra da dir dabón purtrop, Inter e jerdlà, invéci che la cuinta märcia l’à mìss déntor la märcia indrè, un po’ cme tutt còj in odór äd Nasjonäla
 
Schelòt sìncov : almeno almeno la vója, la corsa, la grénta a col ragas chi la né gh’ manca mäj, però stavolta al bòsilan al n’é miga gnù col bùz
 
Donadón séz : Mìsster, tropi volti in-t-il partìdi decizìvi a s’é cminsè a zugär in-t-al second témp, a né s’ pól mìga, anca jerdlà al prìmm témp a s’é zugatlè cuand a gh’éra da där al dozént par sént sénsa calcolär njénta; adésa dòpa n’ an’ spetacolär as’ tòcca sperèmma in-t-la coretèssa äd Dalla Valle, còl che par salvärol l’äva dmandè aiuto a Moggi, Pairetto e De Santis tant par rinfrescäros la memoria, insòmma a s’é restè che la speransa di mèlvistì ! AVANTI CROCIATI
(Tgnèmmos vìsst)
(Testo di Crociato 63)
 
(Correzione ortografica a cura di Enrico Maletti)
 
 

Nessun commento: