"Al Condominni" poesia brillante in dialetto parmigiano di Bruno Pedraneschi,letta da Enrico Maletti

Estratto di un minuto del doppiaggio in dialetto parmigiano, realizzato nell'estate del 1996, tratto dal film "Ombre rosse" (1939) di John Ford. La voce di Ringo (John Wayne) è di Enrico Maletti


PARMAINDIALETTO Tv


Tgnèmmos vìsst
Al salùt pramzàn äd parmaindialetto.blogspot.com

“Parmaindialetto” è nato il 31 luglio del 2004. Quest’anno compie 16 anni

“Parmaindialetto” l’é nasù al 31 lùjj dal 2004. St’an’ al compìssa 16 an’

Per comunicare con "Parmaindialetto" e-mail parmaindialetto@gmail.com

L’ UNICA SEDE DI “Parmaindialetto” SI TROVA A PARMA ED E' STATO IDEATO DALLA FAMIGLIA MALETTI DI “PÄRMA”.







venerdì 25 settembre 2009

Il Pagéli di Crozè in djalètt Pramzàn testo pubblicato sulla Gazzetta di Parma del 25 settembre 2009








Zacärd, Dellafiore, Mariga, Bojinov, Guidolin e Pùbblich, voto déz. I pù bón in camp a Ròmma par Làsjo Pärma 1-2

(Testo solo in dialetto Parmigiano)
(Il pagéli di Crozè in djalètt Pramzàn)
Làsjo Pärma 1-2

Mirànt òt : sa g’ò da ésor sincér un méz fa a ’n gh’arìss miga scomìss n’ evro, invéci l’é drè a zugär con la cälma e la sicurèssa d’un campjón !

Zacärd déz : do partidi zéro eror, esperjénsa äd n’ ätor livél, se al Don a ’l l’à sarchè e se lù dal Don l’é gnù äd corsa un parchè a gh’ sarà e difati a ’s vädda

Dellafiore déz : al masim di vót p’r al zugadór in teoria meno valutè äd la diféza, che invéci l’à fat ‘na partìda parféta anca lù ! Ragas che fortón’na alenäros con Guidolin-Panucci tutt’ il fésti

Zenón òt : Dino, prìmm témp sornión, secónd a l’arembag’, t’è dominè la fàsa, purtròp un pär äd cròss con j atacànt zmarchè butè fóra ma in-t-al complés gran partida anca ti cme tutt

Lucaréli òt : a ’t zi andè zvén a fär la fritäda cuand a t’é scapè Zarate, che sionò a ’l n’ é podäva sgnär gnànca col lapis, ma ‘na partìda in zachètt e cravata anca par tì

Castlén nóv : tirè fóra finalmént da l’armäri cuand a ’t tacäv a spuzär äd naftalina, partìda prepoténta con 3 o 4 assist a la facia äd chi dìz che i tò cross i vénon zò con la brèn’na

Mariga déz : una parola e basta ! Spaventóz ! Nigrètt ralenta un po’ sionò cme j ò béle dìt a gh’ véna l’impomäda sòtta a cà dal Ghiro par portärot via ! Un spetàcol dabón

Galloppa òt : biondén gran zugadór, mo d’ògni tant a ’t pèrdi ‘na cuälca bala äd tròp, elóra d’acòrdi al bél zógh, mo d’ògni tant putòst che därla a lór, càsla in tribuna la bala

Dzemaili sèt : prìmm témp da Raffai, chi l’ha visto, magari a ’s pól ciamär lavoro oscuro, mi a dirìss pròprja al turn äd nòta in miniera, secónd témp invéci molt méj a tutt il manéri ch ’a ‘t zì bón a’s vädda sùbbit

Amoruso òt : elegànsa da balarén, du pè ch’ j én du pnél, però con la tò esperjénsa la partìda la ’s sära su con tutt’ j ocazjón ch’ a ‘t gh’è avù ! Gran ricambi chilù !

Bojinov déz : mama mia chilù che potensialitè ch’ al gh’ à ! S’ l’imbròca la stagjón a ’s n’in cavämma d’ il sodisfasjón ! Ah certo ch’a ’l ne sta miga a l’ombrazén cme ch’ l’ ätor bulgaro äd cuindz’ an’ fa, un toro furjóz , un talént pauróz

Guidolin déz : anca con séz cambi ‘na scuädra ch’ la pär n’arlój zvìssor, sora ’l cónt con la cälma ‘na luciditè mäj vissta ! Dopa du an’ n’ätra vitòria in trasfèrta in sèria A, gràsja Mister

Ghiro òt : ecco Ghiro vädot che cuand a n’é ora riva al bél vot anca par ti ? L’é che a mi a ’n piäz miga regalärja i vot anca s’j à dagh par burla, però un cuälch consilli di la vritè ch’ a’t l’è ascoltè ah ? Al déz po’ al rivarà cuand….a ’t fnirè al silénsi stampa su un pär äd cuestjón ch’ a se sta a cór tant se miga äd pù che i risultè in camp, intant avanti acsì

Pùbblich déz par col sentonär ch’ l’é andè a Ròmma äd marcordì sìra e zéro a la mè influénsa dato ch’ a gh’ äva béle al biljèt in sacòsa ! A bat ancòrra al fér tant ch’ l’é cäld, vojätor letór dil pagéli cminsì a mètt’r in progràma ‘na gita a Gènnva domenica ch’ vén ch’ a gh’ è d’ andär zò in tant e l’ocazjón l’é parféta ! AVANTI CROCIATI !
(Tgnèmmos vìsst)
(Testi di Crociato 63)(Supervisione ortografica di Enrico Maletti)
(Si ringrazia lo studio foto Carra di Parma per avere concesso la pubblicazione della fotografia del pubblico scattata allo stadio Tardini)



Nessun commento: