"Il Pagéli di Crozè in djalètt Pramzàn". Pärma - Atalanta 2-0 Testo pubblicato sulla Gazzetta di Parma del 7 maggio 2013.

 

 

(Testo in dialetto parmigiano)

Pärma Atalanta 2-0

Mirànt séz : có gh’ ät paura äd ciapär un sarùch chi te spètnon al ciùff che in-t-l area picén’na a né t’ vén mäj fóra ? In compéns però in préza a t’ si stè bräv bombén dato ch’ a gh’éra bagn e al balón al paräva un tòch äd manganón

Benalouane sètt : sémpor pu sicur, sémpor pu zugadór da provär a confermär ! Dato che al Ghìro l’à béle dìtt ch’ a ’n gh’é njénta da spéndor, mi col ragas chi al tgnirìss ti có dìtt Pédor ?

Palètta òt : invéci chi a m’ spér äd zbaljär mo second mi Paletón al gh’à béle la valìza pronta, contrat rinovè par ciapär un cuelètt in pu mo un zugadór acsì a gh’ò paura ch’al faga gola a parècci scuädri con socuànt bagarón in pu dal Pärma

Lucaréli òt : partìda parféta, gran finäl äd campionät, n’ atr an’ a tgnir adrè a chi ragasòt chi, e prìmma o po’ a s’ catarèmma anca a fär ch’ la famoza clasjón porta fortón’na

Gobbi déz : precìz e puntuäl cme n’arlój zvìssor, un bonbón par tutt j alenadór, parchè a t’ sé parfetamént còll ch’ al té pól där in camp, e a t’ pól stär sicur ch’ a t’al darà, ogni partìda, dal prìmm a l’ùltom second ! Zugadór e parsón’na ezemplära !

 

Ampuero òt : oh là, un giòvvon butè in camp e ch’ al figura bén ! E adésa ch’ a sèmma trancuill dal tutt mi a ’n n’ in provarìss äd j’ätor, Cerri par prìmm

Marchionni sètt: a t’ gh’ äv un pas Marchino ch’ a t’ paräv un motór a cìnngol, però a t’ gh’è mìss ädla gran maruga e tutt l’é andè bén ! Dì vè a propozit dal colorén ch’ a t’è mìss su, ät fat l’abonamént al solarium sul Viäl a Colècc’ cme Jimmy Maini ? L’éra dai sò témp ch’ a né vdèva pu vón acsì abronzè a l’inìssi äd Màgg’ !

Paról déz : grandìssim gol e gran partìda, l’é tutt l’an’ ch’ a vagh  controcorénta e a digh che Paról l’é un bel zugadór mo in còll centorcàmp chi a gh’é tochè cuäzi sémpor cantär e portär la cróza e fär dil figuri da cicolatén par colpa äd cualchidón ätor

Biabiany sètt : se Dio vól ‘na partìda da razón e un gol ! Basta tór ilj  amzùri giùssti al camp e mìga sarcär äd fär sémp’r al fenòmen, ch’ a ‘n t’al si mìga

 

 

Belfodil sìncov : no a m’ in dispiäz mo chi a né gh’ sèmma par njént ; a ‘n gh’é nisón ch’ al sérca äd spiegär a còll ragas chi ch ’al gh’à  ancòrra da dimosträr tutt e fär continuamént dil senädi, di mesc’én da putén picén a fa mäl par prìmm a lu……..

Amaurì séz : ecco Belfagor, ciapär ezémpi dal sjòr Amauri, ch’ al gh’ à 10 an’ e pàsa pù che ti, mo al còrra cme un mat, al lòta cme un león e al gh’ à sémpor un portamént pozitìv vèrs i sò compàgn e vèrs l’alenadór prìmma äd tutt a n’ al sò mìga s’ a m’ són spieghè

Donadón sètt : se Dio vól Mìsster ‘na partìda ch’ l’é filäda via lìssa cme l’òli, a salvèssa riväda adésa provèmma  butär socuànt ragasòt in-t-l’arena che ormäj a ’n gh’é pu njént da pèrdor e a s’ podrìss béle provär a butär zò ‘na cuälca idea par st’ an’ ch’ vén ( sémpor ch’ l’abia decìz ‘na volta par tùtti äd restär chi )

AVANTI CROCIATI

(Tgnèmmos vìsst)

(Testo di Crociato 63)

 

 

(Correzione ortografica a cura di Enrico Maletti)