Un luogo di “Parmigianità” che espone tutti gli anni e profuma di Parma

(Testo blu in Italiano)
Un luogo di “Parmigianità” che espone tutti gli anni e profuma di Parma

Nel passeggiare in via Garibaldi verso via Mazzini, precisamente in piazzale della Steccata, troviamo il monumento a Francesco Mazzola, il "Parmigianino", all’ombra di questo monumento, sono situate due fontane da dove non sgorga acqua da qualche anno, però negli anni passati hanno dissetato tanti Parmigiani e visitatori della nostra Parma. Da qualche anno nei mesi di ottobre e novembre in questa piccola piazza viene costruita una salumeria provvisoria dove vengono esposti i prodotti tipici di Parma. Proprio in questi giorni mentre passavo con mia moglie mi sono fermato per visitare e acquistare alcuni prodotti. Ho trovato al banco dei salumi Pietro Beduzzi, amico di vecchia data, conosciuto da tutti i commercianti di alimentari di Parma per avere gestito con altre persone una società distributiva di prodotti alimentari per quasi quarant’ anni ed ora, con la sua esperienza, è impegnato nel consigliare salumi, formaggi e vini tipici di Parma, a chi vuole fare un acquisto.
Nel parlare con l’amico Pietro, mi ha detto che l’idea di questa mostra di “Profumo di Parma”, come l’ho definita io, è nata da alcuni Maestri produttori e commercianti di Parma, frà i quali Silvano Romani e Maurizio Setti, che conosco dai primi anni 70, vale a dire da quando erano ancora ragazzini. Silvano lo ricordo assieme al fratello Ugo, che ora gestisce il famoso ristorante “da Romani” nel Comune di Torrile, quando era nel negozio del papà Severino nell’angolo della costruzione della Rocca di S. Lazzaro, poco più avanti dove ora conduce una delle più belle salumerie di Parma e dove sotto i consigli del padre ha imparato l’arte del salumiere. Maurizio ha cominciato a tagliare le prime fette di salume quando aveva ancora i pantaloni corti nel negozio di via Ognibene, con il papà Vittorino, la mamma Pierina e lo zio Azio. Silvano Romani e Maurizio Setti, unitamente agli altri imprenditori che gestiscono questo momentaneo punto vendita, e al collaboratore Pietro, che considero amici da vecchia data, sono da ammirare per la loro professionalità e per l’amore che hanno per Parma e i suoi prodotti. Questa è vera Parmigianità.


(Testo giallo dialetto Parmigiano)
Un sìt äd “Parmigianitè” ch’ l’éspònna tutt j àni e al profùma äd Pärma

In-t-al pasegiär in via Garibäldi vérs via Mazìni, precizamént in pjasäl ädla Stecäda, catémma al monumént a Francesco Mazzola, al "Pramzanén", a l’ombra äd còl monumént chì, a gh’è dò fontàni indò a ‘n vén mìga fóra äd l’ àcua da socuànt àni, però in-t-i àni indrè j han cavè la sèj a tant Pramzàn e vizitatór ädla nòstra Pärma. In-t-i ùltm’ àni in-t-i méz d’ otòbbor e novémbor in cla pjasa picén’na chì, a vén costruì ‘na salumerja provisòria indò a vén espòst i prodòtti caraterìsstich äd Pärma. Pròprja in chi gióron chì intànt ch’ a pasäva con mè mojéra a’m són fermè par vizitär e comprär socuànt prodòtt. J ho catè al bànch di salùm Pédor Bedùss, amìgh äd vécia däta, consù da tutt i comerciànt d’alimentär äd Pärma p’r avér gestì con d’j ätri parsón’ni ‘na socetè ch’la distribuìva di prodòt alimentär par cuäzi cuarànt’ àni e adésa, con la sò esperjénsa, l’é impgnè in-t-al consiliär salùmm, formàj e vén ädla zòna äd Pärma, a chi vól fär ‘n acuìst.
In-t-al parlär con l’amìgh Pédor, al m’à dìtt che l’idéa äd cla mòsstra äd “Profumo di Parma” chì, cme l’ho definìda mi, l’é nasùda da socuànt Méstor produtór e comerciànt äd Pärma, frà i cuäj Silvàn Romàn e Maurjsio Setti, ch’ a conòss dai prìm àni 70, väl a dìr da cuand j éron ancòrra ragasén. Silvàn m’al ricòrd insèmma al fradél Ugo, che adésa al gestìssa al famóz ristorànt “da Romn” in-t-al Cmón äd Torìl, cuand l’éra in-t-la botéga dal pädor Severén in-t-l’àngol ädla costrusjón ädla Ròca äd San Làzor, un po’ pù avanti indò adésa al gh’à vùnna dil pù béli salumerìi äd Pärma e indò sòtta i consìlli dal pädor l’ha imparè l’ärt dal salumér. Maurìsio l’ ha comincè a tagjär il prìmm fètti äd salùmm cuand l’äva ancòrra il bräghi cùrti in-t-la botéga äd via Ognibene, con al pädor Vitorén, la mädra Pierina e al zio Azio. Silvàn Romàn e Maurìsio Setti, unitamènt a vh’j ätor imprenditór ch’ i gestìsson còll pónt äd véndita, e al colaboratór Pédor Bedùss, che mi j’a consìdor amìghi äd vécia däda, j’én da amirär par la sò profesjonalitè e par l’amór ch’ i gh’ han par Pärma e i so prodòtt. Còsste l’è vera Parmigianitè.
(Tgnèmmos vìsst)
(Pramzàn dal sas)