Pärma Atalanta 4-3
Mirànt sìncov : parädi zéro, gol ciapè trì, e
sul second gol indò sérot ‘drè andär al bar dato ch’ a t’ s’ér al lìmmit äd
l’area ? Sérca äd catär un po’ äd trancuilitè parchè a vèddrot a pär ch’ a té gh’ n’è poca bombén adésa
Benalouane séz : Mastro Lindo un po’ ruznì
dato ch’al zuga pòch, e cme difati sul primm gol l’é rivè ch’a gh’éra béle al
balón a centorcàmp; ancòrra in rodàg’
Lucaréli sètt : capitàn coràg’, a
trentaséz an’ vón di poch a ’n fär mìga al turnover, e al novantézim catär la
fòrsa äd fär sént mèttor in contropè par tgnìr su la bala ! Capitàn ezemplär
fin adésa
Mendès sètt : sénsa paura, un bél lotadór,
‘na cuälca ingenuitè e al stés barbér äd Mirant e Paladén, óssia un maringón
Mesbah òt : gran partida e gol
meraviljóz, ala Giovinco, e dato ch’al gh’é somìlja bombén, n’é mìga ch’al sia so fradél un po’ pù carsù ? Però a gh’ vól
dìtt äd zbasär un po’ il bräghi parchè al pär Fantozzi a ch’la manéra lì
Rosi sètt : gran partìda e gol strepitóz e
a momenti a t’ spach do còsti a Pédor cuand a t’ si andè a brasärol su;
parsonalmént al me preferì insìmma ala fàsa déstra, a bón intenditor pochi
paroli
Gargano séz : al vót al sarìss stè altìssim
sa ’n t’avìss mìga fat ch’ la cojonäda ( ala ciamèmma col so nòm ah ) ch’ a s’é
costè al second gol ! Al sombrero al vól lasè ai mesicàn, tì dróva al bindél
Paról déz : dopiètta strepitóza, dozént
chilòmetri e un cór grand acsì ! Anca a tì la pizza äd Sasà a Säla a s’ vèdda ch’
la t’à fat bén, se i rizultät j’én còssti chi, tornì su tutt il stmàni a
magnärla ch’ a pägh mi
Marchionni séz : Marchino in-t-al finäl
t’é tirè fóra tùtta l’esperiénsa ch’ a t’é mucè in carjéra par guadagnär un po’
äd second che in chi momént lì j’éron presjóz cme diamant e socuànt zugädi al
Lexotan p’r indormintär la partìda ! Bravo !
Casàn sètt : acsì a s’ reagìssa a ‘na (
giustìssima ) sostitusjón ; con ‘na partìda strepitóza, colp äd pnél, pasag’
genjäl e ‘na gran vója äd fär sgnär i tò compagn prìmma ancòrra che ti ! E ch’a
sia l’inìssi äd ‘na sèria äd prestasjón ala tò altèssa
Amauri zéro : sóra al cónt ch’ a ’n t’é ancòrra
combinè njént äd bòn da l’inìssi dal campjonät, té t’ si fat casär fóra pròprja da nàdor e t’é rissgè äd fär
parzär ‘na partìda béle vénsa, t’ é fat tribulär la scuädra e al cór äd tutt i
tifóz
Sansón séz : anca sa t’è zbaljè un gol putòst
s’ciasóz, soltant con la prezénsa a t’ dè vivacitè a tutt l’atàch ! E adésa che
Amauri al sarà scualifichè, a spér pròprja ch’ a pòsa tocär a ti e ch’ a t’ pos
fär cme l’an pasè, cioè la difarénsa
Donadón séz :
turnover fat con inteligénsa e i cambi j’én stè imbrochè; al second témp
la scuädra l’é tornäda in camp un po’ trop rilasäda a tutt il manéri a ’n
n’andèmma mìga trop p’r al sutìl ciapèmma su i tri pónt e magàra a Firéns
sarcämma äd där continuitè ala clasifica !
Nicolò : a ’n n’ò ancòrra capì che ràsa äd Paradìz a gh’ sarà lasù
se chi zò a s’ in va di ragas äd cuatòrdz’ an’, mo äd sicur in-t-al tò a gh’
sarà ‘na Curva Nord indò a t’ guardarè al tò Pärma tutt il volti ch’ al zuga !
Ciao Nico !
Curva Nord òt : e adrè tutt al stadio, cuand è stè al momént äd ciapär la
scuädra par man e portär a ca’ i tri pónt a s’é sintù un tifo ch’ l’éra un bel
po’ ch’al né s’ sintäva miga !!
Curva Nord
AVANTI CROCIATI
(Tgnèmmos vìsst)
(Testo di Crociato 63)
(Correzione ortografica a cura di Enrico Maletti)
Post
Nessun commento:
Posta un commento