Il Pagéli di Crozè in djalètt Pramzàn testo pubblicato sulla Gazzetta di Parma del 8 febbraio 2009

(Per il video delle pagelle Ancona Parma clicca qui)

(Testo solo in dialetto Parmigiano)
(Il Pagéli di Crozè in djalètt Pramzàn)

Ancón’na Pärma 2-0

Pavarén séz : dò gran parädi par zlongär l’agonia mo insìmma ai du gol in méza cme un giovedì tutt dò il vòlti ! D’ògni tant a tìr fòra Napoleón ch’al dzäva méj fortunè che bräv, e séns’ätor tì fortunè a ’n t’al sì mìga

Castlén dù : partì a destra sémp’r in ritärdi, i gnävon zò cme al cortél in-t-al butér da ch’ la pärta lì, Pavlén fòrsa e coràg’ sionò chi cavì lì i rìvon in fónda ai pè s’andäma avanti acsì

Paci trì : co gh’ ävot il psìghi a farvär ? da l’andadùra a paräva äd sì, a gh’ la cavämma a drisär la stagjón andär in fónda ? No parchè chi l’ é drè a gnìr nòta tròp bonóra ch’ ära al me ragàs

Troest (Toast) dù : va a fär di complimént a la génta tì, sul prìmm gol a ’s’ l’ é fat pasär davanti cme ‘na Panda con un Feräri ! Intrègh cme un tòch äd lèggn ! Voltär pagina subìt !

Lucaréli dù : grasjè da l’arbitro un pär äd vòlti sionò l’éra ròss sèch e la prosima fésta i podävon andär a catär i parént insèmma lù e so fradél ! Che trio Lescano lì dardè, j’ han zughè con trì centräl e ciapè dù gol d’ in méza sénsa nisón ! Sincronia parféta, njént da dir !

Lunardén dù : al g’ha ancòrra da catär la pozisjón giùssta adésa dòpa du dì, n’é miga ch’al somìllia a Zoratto d’adésa ah par cäz ? No parchè äd Zoratto a ‘m pära ch’ al gàbia l’altéssa e basta

Pisanu cuàtor :a la portämma a fär bendìr ch’ la fàsa da capitàn lì ? No par via che chi la mèta su in- t-na manéra o in ch’ l’ ätra al tàca a girär stòrt ! Dai Andrea che l’ätra sira t’è fàt cuäzi rìddor

Bùdel zéro : la ’t va bén che al me amìhg Mauro Manära al s’è mìss a dezdòt àn a fär di sorbètt strepitóz, sionò ancòrra adésa lì al tò pòst al zugarìss lù sénsa discusjón. Anca s’ l’ é dal s’santatrì cme mì, al va al dòpi, ansi andämma al dòpi !

Antonéli (Altobéli) cuàtor : l’é durè du minùd, l’é n’ätor cme Papón chilù, s’al vén su al secónd témp al fa stravèddor, da l’inìzi l’è tùtta n’ätra fòla

Palòschi séz : lù e Vantagè a s’ é vìsst che alméno i s’ én impgnè e miga pòch ! Sfortunè a livél da färos bendìr, tén dur putén ch’ a rìva la tò ora, basta ch’ at contìnui acsì, sta trancuìll ch ’al sèmma che tì a ’t mòl miga, i lavatìv a j a conosèmma benìssim e ti a ’t zì l’ esàt conträri !

Vantagè sèz : Oh Bulgaro fa la vacinasjón a la zveltén’na prìmma ch’at ciàp al vìrus ch’ a gira a Pärma da un pär d’an’, móvot parchè a ’t gh’è da continuär acsì, vlontè, grénta, corsa sénsa paura e po’ a ’t vedrè che a Pärma andrämma sémpor d’acòrdi e dai ch’al vén dai ch’al vén dai ch’al vén, sabot al gol al rìva secónd mi

Guidolin déz : Don, secónd mi s’a ‘t tornìss indrè äd trì méz…….o no ? A ’t zi l’ultma sperànsa, parchè a’n gh’è ätor chi csì, al desèrt pù totäl, a ’t tòcca fär tut tì, òcio al vìrus anca ti, Don va zò d’vanga guärda in facia a nisón, ma manda in camp vùndos parsón’ni ch’ a bòca la bala, col li e basta, a’s n’in pól pù chi !

Tifóz déz e lode : sincuanta mézi giornädi äd féri al lavór, viàz biljètt e tutt al rést par vèddor vùndoz parsón’ni che in féri a pära ch’ i gh’ sìon sémpor ! Provämma sabot tutt cuant a där n’ätor sburlón a chilór, molämma miga nojätor sionò lé nota dabón ! AVATI CROCIATI !
(Tgnèmmos vìsst)
(Pramzàn dal sas)

(Testi di Crociato 63 supervisione ortografica di Enrico Maletti)
(Le pagelle in dialetto Parmigiano sono lette da Enrico Maletti)