Il Pagéli di Crozè in djalètt Pramzàn, testo pubblicato sulla "Gazzetta di Parma" del 17 gennaio 2012

Realizzato da Pietro Maletti
(Testo solo in dialetto parmigiano)

Pärma Siena 3-1



Pavarén déz : s’ a s’ fa mäl Mirànt a podämma pròprja dir ch’ a s’ pól stär trancuìll. Pavarén profesjonìssta, ezemplär, trìppla paräda in-t-al prìmm témp da cineteca ! Déz !


Zacärd séz : bél prìmm témp, in-t-al second benzina fnìda ! E si che cój vòsstor stipéndi a n’ é v dovrìss mìga mancär la pìlla par limpìr al serbatòj, Monti o miga Monti !


Palètta séz : un pò pu trancuìll con vón in pu in méza, anca s’ a gh’ sarìss da fär la revizjón ai pè, socuànt zvirgolädi da campètt äd via Zaròtt , che pò cuand a s’ cata ‘na scuädra un pò pu forta dal Siena i t’ la fan vèddor lor la strja


Lucaréli séz : a v’ ò fat sintìr al fjè in-t-al copén di me amigh Rocco&Rocco, du grand difensor, e sùbbit ti e Palètta i cambjè regìsstor ah ? E adésa päga la clasjón che Palisto al t’ é spéta martedì


Gobbi sèt : béla partìda a t’ è fat la fàsa cuäzi da tì, e dato che pò dedlà a gh’éra Arnold an t’è gnànca tribulè un gran ché. Pu o meno cme al cortél in-t-al butér


Valiàn déz : a ’n vój savér njént, al prìmm gol con la crozäda par vón ch’ al còrra novanta minud a partìda, a s’ fa fésta con un bél déz


Musacci òt : ordinè, i pepè educhè da razón, socuànt zugädi con ‘na béla geometria, e prìmma äd tutt vón ch’ al gh’ à i témp äd zógh giùsst, fondamentäl par vón ch’ a zùga in méza, in sèrt momént a t’ m’è arcordè Pin, e vè ch’ l’é un bél complimént bombén


Morón òt : se Dio vól ch’ la maruga ch’ a t’ò dmandè äd tirär fóra socuànt volti l’é saltäda fóra, mo di a t’ si sémpor ‘drè a rodlär in téra ch’ a t’ pär in-t-un film äd guéra, mo che lavor


Biabiany séz : méz gol e p’r al rést poch äd pu, vojätor morètt , col frèd da lòvv chi al patì miga da rìddor, a sì tutt intabarè péz che Messner


Giovinco òt : cambjè Mìsster, a t’ si artornè còll äd l’inìssi äd campjonät, brilant, incizìv e decizìv ! Sperèmma ch’ a n’é gh’ sia mìga da cambjär alenador ogni tri méz ah, sionò a brasén cùrt a gh’ vén mäl


Floccari òt : partìda äd straordinäria inteligénsa e al sarvìssi äd la scuädra, l’à cors cme un median, zughè con l’inteligénsa d’un regìssta e ciapè pu bòti che un bocsór, l’à fat tirär al fjè a tutt cuand äd fjè a gh’ n’éra restè pòch bombén ! Gran partida dabón !


Palladén séz : du minud ‘na zugäda da campjón e sénsa ezultär che ormäj l’é drè dvnitär ‘na moda ch’ a fa gnir al mäl äd pànsa, e sinceramént tutt chi muz lóngh da pärta äd génta miliardärja e visjäda tutt il volti ch’ a partìssa un fìss’c’, ‘na crìttica o n’oservasjón, l’à fiachè e mìga poch, con la génta che ormäj l’à gh’à da fär i sält mortäl par tirär ala fén dal méz ! Al sorìz par vojätor al dovrìss ésor obligatòri cme il cinturi äd sicurèssa al volant vamolà !


Donadón séz : Mìsster al vót al sarìss pu ält vè, mo al srà d’acordi con mi ch’ a gh’é da volär bas bas bombén, umiltè e concentrasjón, cme al dzäda al so ( e nóstor ) Méstor Arrigo !
Avanti Crociati !
(Tgnèmmos vìsst)
(Testo di Crociato 63)

(Correzione ortografica a cura di Enrico Maletti)