Video realizzato da Pietro Maletti
(Testo in dialetto Parmigiano)
Pärma
Inter 3-1
Pavarén
trénta : déz par la partìda, déz par la majètta belìssima, e déz parchè
cualsiasi còza t’è fàt par fär bruzär la curva interìssta, t’è fat bén bombén, cla curva che ti cme nojätor a
t’l ‘arcordi benìssim dal 18 äd magg’ dal domìllaeòt
Jonathan
déz : certo che second mi un pò a t’ l’é goduda jerdlà, apén’na un pò vè e par
fortón’na che a l’Inter, da sémpor i ’n n’in bèccon vùnna su déz e a ti i t’àn
mandè chi…. Dailà pensogh su e sta chi n’ ätr an’ che con cla ghìggna lì a t’
pjäz j’anolén al parsùtt e al pramzàn, par fòrsa
Zacärd
déz : esperjénsa e maruga da véndor, cuatè su fin ch’ a gh’é stè da cuatär e
pò in fónda t’è avärt la càsa d’espansjón……. E zò cme la
Pärma voladóra ! Di vè ät béle firmè ?? Dailà dagh adrè !
Lucaréli
trénta : déz l’é par jerdlà, déz l’é par doménica ch’ a m’ son scordè äd färot
la pagéla ( mo t’al sé che s ’am scordi l’é un bón sìggn ) e n’ätor déz p’r al
gol salvè ala fén, la sréza insìmma a ‘na torta ch’ l’é gnuda parféta dabón
Palètta
vìnt : déz par la partìda e la stagjón, e déz par la ghìggna ch’ l’é artornäda
còlla da Shining, ch’ la m’ pjazäva da mat ! E un pär äd salvatàg’ decizìv d’
andär zò ’d tésta
Biabiany
vìnt : che partida, che gol, che corsa, che diagonäli, che diféza, che tutt !
Sémpor par via che a l’inter j’én di gros intenditor, a tì i t’àn molè cme ‘n
bräz e j’àn tgnù Nagatomo ! No fa tì !
Valdes
déz : a gh’é da sintìr sa gh’é pòst in Pilòta, dopa la mòsstra dal Pramzanén a t’
n’in meritarìss vùnna par tì, parchè ogni partìda ormäj a t’ pitur socuant
cuädor d’avtor con chi pè li
Galòpa déz : o Rito, bentornè…. Indó s’éron restè ? Dzèmbor
dòmìllaenóv a Gènnva con l’ultima partìda strepitóza ? Sa m’arcord bén l’é
pròprja acsì, mo jerdlà ‘na partìda
ecesjonäla, ‘na prezénsa äd grandìssim livél in méza al camp !
Valian déz : insìmma a còll binäri lì con Jonathan, pòca ciòma mo
tanta sostansa, e tutt còj ch’ a pasa dedlì i fnìsson sòtta al treno ! Anca par
tì se Dio vól a sämma artornè ai livél äd du an’ fa, osìa di gran livél
Giovinco
cuaranta : déz par la partida, gol e 2 assist i välon n’ätor trénta, adésa il
paroli j’én fnìdi, un ragàs ch’ al va déntor con tutt al dirìtt in-t-la galaria
di gran zugadór ch’j én pasè da Pärma
Marquez sént-dèz e lode : Nando che lavór, a t’ dagh
al vót pu bél, parchè ch’ il foli chi, j’én al bél dal calcio, e guärda cäz ì sucédon
a Pärma molt pu de spèss che da ch’ j ätri pärti ! Un ragas ch’ l’äva zughè un
cuärt d’ora, un gol a scaravoltär ‘na partìda acsì importanta, e la standing
ovation pu afetuóza ch’ a s’ podìss immaginär ! Béla fòla Nando !
Okaka
déz : e pjàn pianén col ragas chi l’é ‘drè crèssor, un pas par volta ! Eddy l’à béle dìtt
ch’ a gh’ pjazrìss stär a Pärma, elóra
parchè no ? E chìssa mäj che con ‘na preparasjón fata da razón a gh’ pòsa
saltär fóra n’ätra sorpréza !
Donadón
sent-déz e lode : Mìsster, gràsja a gh’
l’ò scrìtt jerdlà, dòpa la partìda äd jerdlà a m’ vén da dìr ch’ al brazarìss
second mi cme tutt i pramzàn, mìga i tifóz e basta, parchè se Dio vól dòpa tant
témp Pärma l’artórna a fär parlär bén, e tutt gràsja ala sò preparasjón, la so serietè, la so
capacitè tecnica e sopratutt ala so educasjón, da vér sjòr, e ch’ al me crèdda
l’é capitè in-t-al pòst giùsst ! Gràsja ancòrra e..oh…. a gh’ n’è ancòrra do da
vénsor, dai dai !
Acaya
déz : benvgnùda picén’na, a dir la vritè
a t’ port fortón’na un bél pò, e bräv ai dirigént e a tutt, anca da ch’ il còzi
chi a s’ capìssa ch’ l’é ‘drè cambiär al
vént in pozitìv
Boys
trentasìncov : cme j’ an’ äd storia äd
chi ragas chi, trop spèss critichè mo con l’alma pu pulida äd còj ch’ a j à crìttica,
pòch mo sicur ! Maraviljóza copartén’na
äd ‘na sìra storica, e ätor trentasìnch an’ äd vìtta sénsa téssra ala facia pu béla dal mond dal calcio !
AVANTI BOYS E AVANTI CROCIATI
(Tgnèmmos vìsst)
(Testo di Crociato 63)
(Correzione ortografica a cura di Enrico Maletti)
Post
Nessun commento:
Posta un commento