(Testo in dialetto Parmigiano)
Pärma
Cesena 1-2
Mirànt
zéro : du tir du gol l’é véra, mo mäj che st’ an' a sucéda
“du tir do parädi”; ogni tir un gol, l’é 'na tortura, 'na
gnòla che ormäj l’é n’ älpa
(incubo) che putrtop al gh' à da durär fin a màg'
Casàn
zéro : purtrop la condisjón
dòpa n’infortùnni acsì pezànt la cäla da fär paura dòpa un
pär äd partidi ala granda…. L’é 'na légia cuäzi matematica,
e purtrop cuand l’artornarà in forma chisà mäj indó
srà còll Pärma chi, forsi a zugär col Fontanlè
Costa
zéro : in grosa dificoltè jerdlà, e si ch’ al gh’ äva davanti
l’atach pù balord ädla sèria A ( dopa col dal Pärma naturalmént
) ; po’ dòpa ch' l’à ciapè 'na ghéga in-t-al spìgh al né
gh' à pròprja pù capi njént !
Palètta
zéro : Paletón väl al stés
discors fat par Casàn, zò 'd corda dòpa ch' l’é artornè da
l’infortùnni, in pù a s' sénta che la protestjón
dal centorcàmp al n’é mìga còll äd l’an' pasè, insòmma
anca Paletón l’é 'drè
fogär cme tutt in còll tsunani chì, mäj vìsst prìmma
Gobbi
zéro : Massimo, pù che ala fruta a sèmma al cont ah ? e mi ch' a
gh' ò un rispét totäl par ti parchè at' si un profesjonìssta e
n’ òmm ezemplär a gh' ò un magón
a dirtol che ti a ’n t’é gnan davìz, có
vót mäj, a spér ch' at' pos
artornär a Pärma cme dirigént, però con n’ätra socetè parchè
chilór un galantòmm cme ti i
’n s’al mériton mìga sicur !
Varela
séz : oh però, chilù ala bala al gh' é da äd ti dabón
! la prìmma impresjón l’é
ch’ al sia anca pù fum che aròst, però alméno vèddor vón
ch' al sälta l’òmm e ch’ al mètta di béi balón
in méza con ch' ilj àrjj ch' a tira l’é béle cuél
Nocerino
cuàtor : seconda partida e al pär béle andè in-t-la sòvva :
“efét Pärma”, 'na volta izola felice, adésa la pär Alcatraz,
'na colonia punitiva !!!
Lodi
zéro : i m’ àn dìtt ch' at' patiss bombén il mè pagéli ; no
mo có dit dabón
? elóra próva
a cambiär märcia ch' a né s' sa mäj che dòpa tutt il critichi a
pòsa rivär un cuälch bél vót
( un pär j’én rivè mo cära al me ragas, mi a 'n fagh al scont a
nisón, a ’n son mìga
l’Esselunga e gnan la Coop )
Mauri
séz : pòvor ragas, a gh' tòcca cantär portär la cróza
e provär anca a fär gol ! a dezdòt ani béle al fat ch’ al sia
sémp'r al pù lùccid ädla so scuädra l’é 'na gran còza,
còsste chi l’é un ragas che a Pärma al durarà poch bombén con
la crozäda adòs, fòrsi da cuand a vén fóra
ch’ il pagéli chi al né riva gnanca ala fén ädla stmana
Rodriguez
sètt : ezòrdi coj barbiz, ch'l’ é bón
l’ al vèdda anca n' orbén, la còza che però la m’ à
impresjonè mo primma 'd tutt dè fastìddi un bél po’, l’é ch'
l’à cors pù lù ch' al n’äva ancòrra zughè 'na partìda
intréga in stagjón che tutt
al rést ädla scuädra mìssa insèmma ; a bón
intenditor, Mìsster……
Palladén
zéro : mo né gh' sarà gnanca un mat ch' a s’al porta a ca' andär
ala fén äd Znär ? al viàz a gh' péns mi, machina, gazòli,
autosträda , un camogli 'na coca média e un cafè a l’autogrill a
gh' ja mètt mi valabén ??
Casàn
déz : opinjón parsonäla, l’à
fat benìssim a bàtor càsa, po’ l’é stè l’ùnnich ( sùbbit
) andär sòtta la curva jerdlà e l’é còll ch’ al gh’à mìss
la facia davanti a tutt fin da l’inìssi äd l’an', in camp e
fóra; e a né s' capìssa mìga
cme mäj 'na socetè che in pratica la n’ezista mìga la gàbia avù
al corag' äd mèttrol fóra
róza e po’ convochè listés
mandè in panchén'na e po’ fat zugär ! 'na comica che però,
purtrop, la fa cridär invéci che rìddor
Donadón
zéro : Mìsster tutt còll ch' a vrèmma, mo vèddor du zugadór
apén’na rivè con pochi partidi in stagjón
chi corävon al dòppi äd còj ch’j én chi e i zugon da l’inìssi
äd l’an' al la dìz lónga
su tutt ! preparasjón,
convinsjón, motivasjón,
tésta, vója ecc ecc; dòpa du
an' e méz meraviljóz fòrsi
sarìss rivè al momént äd ringrasjär e artornär a ca', anca sa
so parfetamént che la colpa principäla a gh' l’à cualchidón
ätor e anca col càmbi d’alenadór
a 'n cambiarìss pròprja njént
AVANTI
CROCIATI
Tgnèmmos vìsst
(Testo di Crociato 63)
(Correzione ortografica a cura di Enrico Maletti)
Post
Nessun commento:
Posta un commento