(Testo in dialetto parmigiano)
Pärma
Fiorentén'na 1-0
Mirànt
déz : cuand la gira giùssta eh ?? parfét par 90 minud, e la sréza
insìmma ala torta dal rigor parè ! srà stè la nóva
mìssa in pìga o al color di cavji ? fa listés l’important l’é
stè artornär al Mirànt di sìnch an' indrè
Casàni
òt : bentornè, l’éra ora a s’é vìsst sùbbit !!! fàsa
déstra saräda su col cadnàs, dedlì a 'n pasa nisón
e par 'na cuestjón äd
centimèttor at' fè cuäzi anca gol ! sperèmma ch' at' pòs zugär
acsì fin ala fén äd l’an' parchè la tò mancansa la s’é
sintìda e un bél po'
Lucaréli
déz : vè chi é artornè dal vacansi, al Capitàn còll vér,
bärba extralonga, ghìggna da batàlja, du assist (a gh' podäva
ésor anca mi al post äd Palladén ch' l’éra gol sicur ), e
ancòrra äd pù ch’ la ghéga a Cuadrado, ch’ la m’à fat
ezultär cme p'r un gol ! bentornè anca a ti, e dai eh, drìtt a
tésta basa fin ala fén
Costa
déz e lode : al pù bón in
camp, gol partìda gajärda cme sémpor, parsonalitè e serietè ; la
lode parchè at' si n’arzàn tifóz
äd l’Arzàna, e sibén che
second mi la crozäda adòs la t' spura cme 'na majètta compräda
insìmma a un banch äd cinéz a dù evro, té t' si 'drè comportär
da grand profesjonìssta
Palètta
òt : al Paletón pjan pjanén
l’é 'drè artornär; a gh' manca äd drisär i pè e po’ a gh'
sèmma ! t’é zvirgolè 'na cuälca bala äd trop, mo al fjè
insìmma al copén a Gomez a té gh' l’é fat sintìr da razón
Gobbi
òt : bravo Massimo, ormäj a t’äva batzè a Coverciano ala scóla
ädj alenadór
( second mi con la maruga ch' at' gh’é at' sarè un grand alenadór
) invéci t’é tirè fóra
'na partìda cme da chi indrè, srà che al Mìsster se Dio vól
l’à mìss trapónta e anca
al fógh a lét par cuatäros
da razón, però at' paräv
trasformè anca tì cme tutt
De
Ceglie séz : al pù in confuzjón
äd tutt, Raimondo, un rigor da prinsipjànt e trop dé spès in méza
cme un giovedì; a tì al fógh
a lét as' vèdda ch’ al t’ à fat badaciär un po’ trop e 'na
cuälca volta a t'é pròprja dè un lantcór
Lodi
òt : oh là, l’éra ora, l’é fòrsi la prìmma suficénsa da
l’inìssi äd l’an', pù che par la cualitè ch’ l' à dovrìss
ésor al tò pónt äd fòrsa,
a t’é fat 'na grand partìda äd caràtor e grénta, robi ch' a té
t' s’ér scordè a Catania da l’an' pasè
Mauri
déz : con Costa al pù bón
in camp, 'na partìda strepitóza,
séns äd la pozisjón e
personalitè da veteràn, lùccid, puntuäl codìggn e sénsa paura,
mäj un pas indrè, un campionsén con un futur favolóz;
e m’arcmànd Renato Zero & Albanéz, sa s' vól
provär a salväros, äd där via chilù sùbbit a s 'n in pärla
gnanca
Palladén
séz : al famóz séz
polìttich, parchè as' vénsa tant pòch che cuand a sucéda a n’é
mìga elegant där via di cuàtor, mo anca jerdlà tri pas in-t-un
cuadrél, mäj 'na volta ch’ al faga déz mèttor in pù par còrror
adrè a cualchidón, njént äd
njént, al mìnnim sindacäl e po’ e po’
Bidaoui
déz : tò là, un cuärt d’ora in camp e un déz in pagéla, par
via ch' l’é gnù déntor con la tésta giùssta, l’à fat casär
fóra n’avarsäri e l’é
stè lì ch' l’é praticamént fnì la partìda, e in pù in-t-un
cuärt d’ora l’à fat pù sträda che Palladén da cuand l’é a
Pärma !
Casàn
déz : fin a vint minud dala fén l’éra un séz polìttich cme a
Palladén, in-t-i ùltom vint minùd l’é montè in catedra e l’à
decìz lù par tutt ch’j ätor
vintón con che cadénsa as'
sarìss zughè dedlì ala fén, oviamént ala so cadénsa, freno a
man tirè e bala fata viazär äd prìmma, e po’ in-t-al prìmm
témp l’à fat 'na fénta vèrs la fén sòtta la tribuna ch' a s'
sèmma catè tutt al Barilla Center, un nùmmor da génio che par
n’amant dil còzi béli al väl da lù al prési dal biljètt
Donadón
òt : Mìsster, socuant gior'n äd vacansa gh’ àni fat bén anca a
lù ? cme j’ò dìtt prìmma l’à capì che con còll ch' a pàsa
al convént l’é méj stär cuatè e al caldén con la trapónta
tiräda su fin in ält, anca se mi Gobbi ch' l’éra un po’ sòp e
béle amonì l’arìss tirè zò, a tutt il manéri l’éra destén
ch’ l'à doväva andär bén jerdlà e acsì l’é stè ! adésa
però mìga molär ch' a gh’é socuànt scóntor
dirét chi pólon cambjär
ancòrra tùtta la stagjón
AVANTI
CROCIATI
(Tgnèmmos vìsst)
(Testo di Crociato 63)
(Correzione ortografica a cura di Enrico Maletti)
Post
Nessun commento:
Posta un commento