"Il Pagéli di Crozè in djalètt Pramzàn", Làsjo Pärma 3-2. Testo pubblicato sulla Gazzetta di Parma del 1 aprile 2014

 

 

Làsjo Pärma 3-2

Mirànt cuàtor : indecìz sul prìmm gol mo la còza pù strana l’é che tùtta la sicurèssa ch’ a t’é dè a tùtta la difèza da sés méz a sta pärta la pär sparìda dala sira ala matén’na, e purtrop sul pù bél

Casàni séz : onésta partìda ( vón di pòch ) sénsa cambi äd märcia; as’ vèdda ch’ a t’ gh’é ancòrra un po’ d’antibiòtich adòs, sérca äd scuasärja ala zvèlta che chi a gh’é d’andär vè

 

Lucaréli sìncov : oh Capitàn parchè a t’ si tì vè, sionò gh’éra un cuälch vót in meno ; t’é fàt pù bùz jerdlà che in tutt al rést dal campionät; a vój pensär ch’ a t’é fnì al bònus e da dman a t’ pòs artornär al solit Capitàn e dà via ‘na cuälca plàta a cualchidón di tò compagn, a fagh sénsa dìrot a chi

Felipe cuàtor : e dato che ti a t’ gh’é mìga la fàsa da Capitàn un vót in meno ; eh si parchè un centräl äd ‘na diféza ch’ la concéda vint ocazjón da gol pù che cuàtor al ne pól mìga ciapär

 Gobbi cuàtor : anca Massimo un méz dizàstor : frén a màn tirè imprecìz, indormintè, mìga un cròss, njént äd njént, insòmma mi conòss n’ätor Massimo par fortón’na, sperèmma ch’ l’artórna ala zveltén’na

 Marchionni sètt : al pù bón in camp di nòstor, anca parchè la partìda l’é städa zugäda ai dù a l’òra e Marchino a ch’ il velocitè lì al déta légia parchè i pè j’én fén e la maruga tanta

Acquah cuàtor : ecco gh’ iv’  prezént l’ezàt conträri äd Marchino ? tanta fòrsa e pòca conisjón, acsì cuand a gh’é da drovär la seconda bón’na not sonadór

 

Paról cuàtor : n’ätor ch’ am dispiäz bombén därogh un brutt vót, mo co vrävot fär a l’ùltom minud cuand a t’ gh’é fat cól colp äd tésta a fjè d’oca ? eh cära al me ragàs j’éron tri pónt in pù, e un biljètt par l’Europa cuäzi stachè invéci adésa in Agensjà a tàca a prezentäros un sach äd génta

 Schelòt sìncov : do ocazjón da sgnär magnè malamént e serbatòj in risèrva ; as’ vèdda che dal pärti äd Colècc’ a gh’éra tutt i benzinär in siopero sta stmàna

 Casàn séz : sui du gòl in-t-na manéra o in ch’l ’ätra a t’ gh’é mìss la sànfa, p’r al rést ädla partìda t’é predichè de spèss in-t-al dezärt, stés discórs äd Marchionni cuand as’ zuga con la ridòtta tì a t’ si al profesór pù bräv dal mond mo a gh’ vrìss anca di scolär concentrè e aténti

Biabiany séz : un gol e poch ätor, e l’éra ‘na partìda ch’ la paräva fata apòsta par ti : sperèmma ch’ a t’ àbi ciapè da razón ilj amzùri dal camp e dmàn a t’ pòs arpiclär’t un po’

 Munäri dù : eh Gianni dailà, du gol magnè chi välon sìnch pónt du col Genoa e tri jerdlà, a t’ réndot cònt indó sarìsson con sìnch pónt in pù ( e la Làsjo tri in meno ? )

 Palladén zéro : có dir äd vón ch’ al mètta orgoljóz su twitter la foto con Moggi e po’ al va in camp vint minud, al pärda tutt i balón parchè al zuga con suficénsa, al ne còrra  adrè a nisón, al zbalja un gol béle fat e al s’ mètta a rìddor ? ch’ al faga il valìzi al prìmma posìbbil, ch’ al sparìssa da Pärma e al s’ faga catär ‘na scuädra da Moggi basta ch’ al vaga lontàn

 Donadón cuàtor : Mìsster, socuànt scuzànti, l’é véra, influénsi scualifichi e infortunè, mo la partìda pù importanta äd l’an’, as’ va in camp a där äd bòcca a balón e garlètt e invéci j’én andè in camp ch’ a paräva che par clasjón j’avìsson bvù dal tè e dal cafè con la dòrmia ! dai eh, ch’ a sèmma ancòrra in corsa ecome, e sprecär al caplavór ch’é stè fat fin adésa sarìss asùrd dabón !

(Tgnèmmos vìsst)

(Testo di Crociato 63)

(Correzione ortografica a cura di Enrico Maletti)