"Il Pagéli di Crozè in djalètt Pramzàn", Ròmma Pärma 4-2. Testo pubblicato sulla Gazzetta di Parma del 4 aprile 2014

 

 

(Testo solo in dialetto parmigiano)

Ròmma Pärma 4-2

Mirànt sìncov : sperèmma ch’ la fnìssa ala zvèlta ch’ la sérja chi, anca par ti pär tornär la fòla äd ‘na volta, cuator tir ( forsi sìncov ) e cuàtor gol…. Insòmma dai ànim ch’ a sèmma ancòrra in corsa ecome

Casàni sìncov : vè barbagiàn, sit ti col freno a man tirè o ch’j ätor ch’j én un po’ pù fort ? a tutt il manéri gìrrla e mèzzdla anca jerdlà t’é fat ‘na fadiga da béstja, e sul tèrs gol t’é rinculè vint mèttor ch’l ’é la prìmma còza mìga da fär chi t’ insèggnon da putén.

Lucaréli  sìncov : è capitàn mi dirìss ch’ a sèmma béle stùf äd pärdor, ti có dit ?  Domenica sìra a riva ch’il bón’ni lani di napoletàn, ch’j én simpàtich su par zò cme i juventén, sarchèmma äd därogh ‘na lesjón  äd calcio, m’arcmand ah ?

Molinär sìncov : prìmma partìda acsì acsì da cuand a t’ si rivè; dal rést còj ädla Ròmma i gh’ àn ädla génta ch’ la va cme Pluto e i t’ àn fat su cme un calsètt !

Gobbi cuàtor : Massimo dai eh ? tutt in-t-na vòlta a pär  ch’ a t’abi miss su vint an’ tutt in-t-un colp ! Lént, strajè pòch precìz, dil volti a t’ pär fni lì in méza par cäz ! Dai lòmmo ch’ a t’ sarvìss in forma par la voläda finäla

Marchionni sìncov: al conträri äd domenica chilór i van fort dapartùtt, dardè, in méza, insìmma al fasi, davanti, e cuand as zuga in velocitè Marchino a t’ sìggn un po’ al pàs, insòmma chi calendäri chi i van bén par di ragas äd vint an’, dì chi còrron lor ahn ?

Acquah séz : la suficénsa p’r al prìmm gol con la crozäda adòs ( che po’ l’é ch’ la maja da dzèvvod lì che second mi pròprja la né s’ pol mìga guardär ), par tutt al rést anca a ti i t’àn ciapè in méza cme un giovedì, onestamént la Ròmma l’é äd n’ätor pianéta e s’é vìsst, ti t’é cantè e portè la cròza par stär in téma äd cuarézma

Paról sìncov : a j’ò capì, a t’ si ‘drè andär pjàn parchè a t’ si in rodàg’, a t’ si ‘drè a met’r a pòst carburasjón e motor par la voläda finäla, che par nojätor la dovrìss portär in Europa, a tì sperèmma anca un  po’ pù in là, adésa un po’ äd carburant e via äd voläda fin in fonda sénsa voltär’t indrè

Schelòt sìncov : sarìssla cambiäda la partìda sa t’avìss sgnè col gol a l’inìssi? second mi no, j’én trop fort e i zùgon trop bén, se col campionät chi as zughìssa dapartùtt fóra che in Itàlja, la Ròmma la sarìss lè prìmma con socuànt pónt äd vantàg’ e a s’ sèmma capì có vój dir, a tutt il manéri second mi ti a t’ gh’é i nùmmor par fär mäl al Napoli domenica, dai eh

Amauri sìncov : ruznì, narvóz e falòp ! adésa mètta il pìlli a cargär che par cuìnndoz dì a t’ sarè dardè ala lavagna, e po’ sérca äd mèttor tìmmbor e firma insìmma a ‘na còza ch’ a sèmma ‘drè  sognär ancòrra un po’ tutt

Biabiany sètt : al pù bón in camp ; da znär veramént l’é ‘drè  sucédor col ch’ a sér’n adrè a spetär tutt da un pär d’an’, osìa Biabiany da coridór d’atlética l’é dvintè un zugadór äd balón, e che zugadór, dai anca ti m’arcmand, che con la vostra velocitè a coj dal Napoli a gh’ podì fär gnìr il lùssi a j’oc’ dabón

Donadón séz : l’éra in preventiv anca ch’ la sconfìtta chi, Ròmma äd n’ätor pianéta, mo la scuädra l’à fat la so partìda con dignitè fin in fonda; Mìsster l’unica còza ch’ la vól fata l’é mèttor benzina in-t-al serbatòi e mèttor in-t-la tésta äd chi ragàs ch’ l’é ancòrra tùtta da zugär, a sèmma ancòrra davanti, e a sèmma tutt con vojätor e sarìss pròprja un pchè molär adésa dopa tutt al bél ch’l’é stè fat ! forsa e coràg’ ! AVANTI CROCIATI

(Tgnèmmos vìsst)

(Testo di Crociato 63)

(Correzione ortografica a cura di Enrico Maletti)