La ricéta par fär i Zgranfgnón äd pomm-da-téra. Gnocchi di patate.

(Testo giallo dialetto Parmigiano)
Ingredjént:
Cuatorsént gràm äd pomm-da-téra, séntsincuànta gràm äd farén’na, n' óv intrégh, sugh ala tomàca o ai fónz par consär.

Cozor i pomm-da-téra in àcua o méj a vapór e cäld bojént spläria e pasäria al schìssa pomm-da-téra, mètt’r insèmma farén’na e óv, po impastär. Lavorär l’ impàst con il man tirärol a cilìnndor sutìl e tajärol a tòch lóngh tri centimèttor. Spolvräria ‘d farén’na e vón ala vòlta schisäria con al dìd gros insìmma ‘na forsén’na par därogh la fórma di zgranfgnón. Mèttor a fógh ‘na brónza con àcua saläda e cuànd la bòjja vudär i zgranfgnón, färia cózor par déz minùd. Tória su con un mèss’c’ zbuzì mèttoria in-t-na supéra e consär a pjazér.

(Testo blu in Italiano)
Gnocchi di patate
Ingredienti:
Quattrocento grammi di patate, centocinquanta grammi di farina, un uovo intero, sugo al pomodoro o ai funghi per condire.

Cuocere le patate in acqua, o meglio a vapore e calde bollenti pelarle e passarle allo schiacciapatate, mettere insieme farina e uova, poi impastare. Lavorare l’impasto con le mani tirarlo a cilindro sottile e tagliare a pezzi lunghi tre centimetri. Spolverarle di farina e una per una schiacciarle con il dito pollice su di una forchetta per dargli la forma del gnocco. Mettere sul fuoco una pentola di acqua salata e quando arriva all’ebollizione vuotare gli gnocchi, farli cuocere per dieci minuti. Prenderli dalla pentola con un mestolo bucato riporli in una zuppiera e condire a piacere.