La ricéta par fär la torta saläda

(Testo giallo dialetto Parmigiano)

Ingredjént:
Tarzént gram ‘d farén’na, un cubètt d’ alvadór äd bìrra, sént gram äd gras maznè pòca acua, säl.

Desfär l’alvadór äd bìrra in-t-un méz bicér d’àcua.
Insìmma al tavlòt dispònnor la farén’na a fontàna e al céntor versär l’alvadór desfàt, al gras, al säl. Impastär bén e zontär un po’ äd farén’na se l’impàst l’é tròp tènnor, fär ‘na balén’na da mèttor sóra un pjat e bén cuatäda mèttorla in-t-un pòst tèvvod ad alvär.

Cuànd la srà ardopjäda äd volùmm desténdorla sìnna a un spesór d’un centimèttor bondànt, dòpa sistemärla in-t-na tèccia bzónta. Sforaciär la pàsta e bzontärla d’òli po färla cózor in-t-al fóron cäld par cuìnndoz minùd.

(Testo blu in Italiano)
La ricetta per fare la torta salata
Ingredienti:
Trecento grammi di farina, un cubetto di lievito di birra, cento grammi di grasso macinato, poca acqua, sale.

Far sciogliere il lievito di birra in un mezzo bicchiere d’acqua.
Sul tagliere disporre la farina a fontana e al centro versare il lievito sciolto, il grasso, il sale. Impastare bene e aggiungere un poco di farina se l’impasto è troppo tenero, farne una specie di palla da mettere sopra un piatto e ben coperta metterla in un posto tiepido a lievitare.

Quando sarà raddoppiata di volume stenderla fino a creare uno spessore di un centimetro o poco più, dopo sistemarla in una teglia unta di olio. Sforacchiare la pasta e ungerla d’olio in fine farla cuocere nel forno caldo per quindici minuti.