‘Na sajètta l’à ciapè “L’Angiolén dal Dom”

(Testo blu in Italiano)

Alle 2,29 di questa notte un fulmine ha scaricato la sua forza sul campanile del Duomo di Parma colpendo la croce che ha in mano l’Angelo Raffaele, per i Parmigiani “L’Angiolén dal Dom”. Sono intervenuti subito il vigili del fuoco di Parma, con l’aiuto dei colleghi di Bologna. Per sicurezza è stato evacuato il Seminario Maggiore e il collegio Giovanni XXIII in borgo San Biagio. La situazione è sotto controllo da parte dei vigili del fuoco, dei Carabinieri e della Polizia Municipale. Di seguito pubblichiamo la poesia in dialetto Parmigiano “L’Angiol dal Dom “ scritta da Alfredo Zerbini. La poesia è pubblicata

oggi sul sito della Gazzetta di Parma http://www.gazzettadiparma.it/

Sull'episodio aggiornamento su http://www.pramzanblog.com/

‘Na sajètta l’à ciapè “L’Angiolén dal Dom”

Alj óri 2,29 äd stanota ‘na sajètta l’à scarghè la so fòrsa sul campanìl dal Dom äd Pärma e l’à ciapè la cróza ch’al gh’à in man l’Angiol Raffaele, p’r i Pramzàn “L’Angiolén dal Dom”. E’ intervgnù sùbbit i Pompér äd Pärma, con l’aiùt di Pompér äd Bològgna.
Par sicurèssa è stè fat zgombrär al Seminäri Magjór e al colég’ Giovanni XXIII in bórogh San Biäz. La situasjón l’è sòtta contròl da pärta di Pompér, di Carabinér e di Vìggil Urbàn. Chì a publicämma la poezia in djalètt Pramzàn “L’Angiol dal Dom “ scrìtta da Alfredo Zerbini. La poezia l’é publicäda incó sul sit ädla Gazètta äd Pärma http://www.gazzettadiparma.it/ P’r al fat, àmpi sarvìssi su http://www.pramzanblog.com/

“L’Angiol dal Dom “

L’angiol tra ’d lu al pensäva seri seri:–

Con tutt stj areoplàn, chì su ghe scota!

Quand i m’én söra a trèmma al Batisteri,

la Torra, al Dom, San Zvan e la Pilota...

Ah! Povra la me Pärma! Con stil gueri

an t’n’è pu ben gnan ti, né ’d dì né ’d nota!

Quant’ crözi novi at gh’è int al simiteri!

Quant bej gionvot a t’à robè sta lota!

Mi an son che ’n angiol ’d ram e sensa cor,

epur a pregh, a fagh tutt coll ch’as pöl

par tgnir lontàn da ti tutt i dolor!

Mo l’òm, ch’l’è ’n angiol viv, s’al spicca al völ,

inveci ad färes bel davanti al Sgnör,

s’al gh’la caviss, al te bombärda al söl! –

Da: Alfredo Zerbini, “Tutte le poesie”, Parma, Battei, 1982 (edizione dell’opera omnia, con introduzione di Gino Marchi e prefazione di Italo Petrolini; disegni originali di Piero Furlotti, Silvano Manfredi, Latino Barilli).

(Tgnèmmos vìsst)

(Pramzàn dal sas)
(La foto del Duomo è stata scattata dal lettore della Gazzetta di Parma Marcello Bersellini)