Pärma
Legnago 3-1
Fall
òt : porterén ch’ al fa béle vèddor la scóla Fulgón; sicur e
trancuìll, l’ùnnica l’é ch' a gh'
manca la forsa par rinviär dal fond, l’é trop mägor, a gh’é
al nùmmor vón stampè in-t-la maja ch' l’é pù lärogh dil spali
e al gh' à do gambètti chi päron du Mikadò, bizòggna därogh dal
caval pìsst che a Colècc' i gh' l’ àn anca bón bombén
Adorni
òt : Lollo da ménta a mi, fa l’òmm adòs a tutt, ala tò etè,
bón cme t’si, cón al fìzich ch' at' gh’é, at' pól vìvor äd
prepoténsa, fat marcär ti, zburla, sta su, sérca il zugädi, la
paura i gh' l’àn d' aver i tò avarsäri mìga ti ch' at' si
fortìssim,
taticamént inteligént bombén e at'
gh’é tutt p'r ésor devastant
Benàs
sètt : mìga mäl p'r un ragas ezordir in prìmma scuädra atàca a
un “fóra categoria” cme al Capitàn; basta guardär lù, du
mèttor a déstra tri a sinìsstra e avarsäri e balón it' scapusson
adòs da lór ; e bräv a färot catär pront al momént dal bizòggn
! avanti acsì ch'a sì tutt important
Lucaréli
nóv :
adésa ch' at' si entrè in sintonia con la categoria, as' vèdda
l’importansa d’avér cme j ò dìtt prìmma, un fóra
categoria cme ti in scuädra, specialmént li dardè, a
fär da diga e fär ripartir la scuädra ; di vè, mo a
propozit äd fóra categoria, e cóll
gol lì ? él madur o no ? ormäj second mi al vól fat sionò dòpa
al taca a spusär d’azèj
Saporètt
sètt : da 'na pärta 'na fàsa a l’arembàg', da ch' l’ätra un
po’ pù äd prudénsa; bräv, diligént e presjóz taticamént
cuand at' si andè a fär al centräl d’urgénsa e ancòrra sul vón
a zéro e zbaljär njénta gnanca li
Corapi
déz : vè Ciccio adésa al podèmma dir a tutt ch' at' s’ér in
colegamént con mi in curva con n’auricolär gornè, e a t’ò
spieghè par fil e par sìggn cme tirär la punisjón,
prìmma äd zlongär la barjéra con dù
di nòstor e po’ äd pozärla pén’na sóra la barjera
ch' l’éra béle gol, testimònni i mé amigh “piezél”
e “sèddoz” e ti at' si stè bräv a där'm a mént e a
mèttorla indó t’ ò dìtt ; domenica a Santarcàngiol té m'
podriss där la maja ala fén no sa' t' arcòrd ? sperèmma
Giorgén
òt : lavor cuatè jerdlà, cóll ragas chi l’é 'drè fär un
campjonät spaventóz, a memoria am' pär ch' al sia l’ùnnich ch'
l’ à zughè tutt il partidi dal prìmm a l’ùltom minud; 'na
machina da calcio, un zugadór, cme tant in scuädra dal rést, che
con la D i gh' àn bén poch da spartir
Lauria
séz : tropa présja l' òmmo, sta trancuìll che a Pärma a ’n
sèmma mäj cors adrè gnanca a Palladén, Leonärdi e Ghirärdi,
figurot sa' fèmma dil presjón a un ragas ch ’al s’impìggna cme
un mat tutt il volti ch’ al zuga; dai ch’ at gh’é un sach äd
colp e l’é un pchè ch’i t' réston in càna trop de spèss, con
cälma ch' at' sfè zò tutt, da ménta a mi
Meländri
òt : Gigi Gigi, có t’éra d’aviz ch’ al fuss anca lu a
Valencia a fär bùjja con Lorenzo e Marquez ch' at' l’é tgnù zò
do o trej fésti adrè fila ? vè ch’ al n’é mìga al Meländri
ch’ al va in moto chilù, mo l’é cóll bél zugadór che par du
méz l’à fat tutt dil partìdi da Dio e po’ al vèdda la porta
che äd chi témp äd stitichèssa chi a n’é mìga 'na còza da
trascurär
Baraye
nóv : grand partìda, prìmma par la scuädra e po’ dal du a zéro
in avanti mo sol in cóll momént, a sarcär al gol ; Déz mèttor pù
avanti e centräl, Gigi, chilù al fa gnir nùvvol tutt il fésti, al
réva il difézi in du e al fa sgnär di zlùbbi äd gol ai so
compagn; sit d’acordi ?
Sereni
séz : stés discórs äd Lauria ; mo có gh’ iv al bal äd San Vit
adòs ? cälma, cälma e po’ ancòrra cälma e tutt a riva da lù;
sèmma al Pärma, sa zugämma cme sèmma a né gh' n’é par nisón
Muzètt
òt : gran gol e mentalitè parféta cuand at' si entrè; 'na còza
però, té t' si scordè i péz ch' as' taca ai garlètt a fär
alenamént, parchè cuand a gh’é da saltär at' sält mil franch
si e no; guärdogh bén
Apolón
sètt : dai Gigi ahn, l’é al momént äd tgnir bòta e där il
scrolädi decizìvi sa' gh’é manéra, prìmma is' dan méj l’é
; e domenica cälma e sànngov frèdd che chi méz arzanòt dal San
Marén i provaràn a fars inchjetär cme a Cärp, mo nojätor a sèmma
pu fort e basta
TUTT
A SANTARCANGELO
CARICA
CROCIATI
Tgnèmmos vìsst
(Testo di Crociato 63)
(Correzione ortografica a cura di Enrico Maletti)
Post
Nessun commento:
Posta un commento