(Testo solo in dialetto Parmigiano)
Chievo Pärma 0-0
Mirànt òt : un pär äd parädi fondamentäli, ala fén äd l’an’ i podrìsson ésor anca còlli decizìvi, parchè perdor jerdlà a sarìss stè la fén
Modést séz : Modést fa rimma con onést, cuand a s’ zuga contra ‘na scuädra pu o meno dal nòstor livél al fa la so onésta partìda, cuand al livél al crèssa, al taca a tribulär
Lucaréli séz : dato ch’ a ’n s’é miga ciapè gol e dato ch’ l’é l’ùnnich centräl ch’ al fnìssa il partìdi, a gh’ dagh la suficénsa, mo al Lucaréli äd l’an’ pasè l’éra n’ätra roba (anca al Pärma a dir la vrìtè)
Palètta du : a ’n pòs gnan pu dir ch’ l’é andè in-t-la sòvva parchè dòpa a riva dozént lìttri al diretor, no parchè a pära che la colpa äd ch’ la situasjón chi la sia dil pagéli in djalètt adés e miga äd chi à mìss insèmma ch’la scuädra e ch’la guida técnica chi, sénsa né capo né còvva !
Zacärd sìncov : sémp’r in ritärdi sémp’r in dificoltè, al patìssa col non-zógh chi in-t-na manéra ezageräda, al pòs anca capìr mo con la so capacitè al dovrìss guidär lu la carètta
Galloppa séz : coj pòch minud in-t-il gambi l’à fat al so eccome, l’ùnnich, a digh l’ùnnich ch’al stopa la bala e ch’al gh’abia n’idea äd coza sia i témp äd ‘na zugäda
Dzemaili sìncov : n’ätra partìda sénsa ‘na zugäda da ricordär, sénsa n’acut, sénsa njénta, e si ch’ a gh’éra anca Galloppa atàca mo njénta
Valian séz : Valian bén o mäl al gh’é mètta ch’la corsa, ch’la vója che ala fén äd l’òvra al porta a ca sémpor la suficénsa, specialmént cuand al zuga in-t l’ùnnich pòst indò al pól zugär osìa la fàsa
Morón séz : Stefano mo che confuzjón, però a tè m’ si piazù, sémp’r adòs a tutt, al pu grintóz ädla scuädra, e p’r al pu grintóz a gh’é sémp’r un bél vot
Palladén cuator : mi cuand a gh’é da bocär la bala e da spudär sangov e a väd vón ch’al fa i colp äd tàch a ripetisjón e al fa i pas da Cohiba a vagh in béstja ! Fòrsi a ’n s’é miga ancòrra capì chì a gh’é da salväros mo d’ätra pärta cuand a gh’é ancòrra cualchidón ch’ a pärla d’otäv pòst coza vrämma preténdor
Bojinov cuàtor : poca roba, e ch’ la poca ch’ a capita a vól fat gol, cme Amauri a Ròmma, sionò a ’s va pòch lontàn
Marino du : mo a ’s pól dichiarär “la squadra è in un buon momento” ???? ‘Na vitòrja in-t- ilj ùltmi vùnndoz partìdi, mo có él drè a scarsär par cäz ? No parchè chi a gh’é proprja pòch da scarsär cära al me Mìsster, dato che pò in Serie B a gh’andämma nojätor tifóz e citè, vìsst ch’a m’ imaginarìss béle che strajamént a gh’ sarìss ! Elóra lasämma lì äd contärja gròsi e väla par tutt !
(Pramzàn dal sas)
Mirànt òt : un pär äd parädi fondamentäli, ala fén äd l’an’ i podrìsson ésor anca còlli decizìvi, parchè perdor jerdlà a sarìss stè la fén
Modést séz : Modést fa rimma con onést, cuand a s’ zuga contra ‘na scuädra pu o meno dal nòstor livél al fa la so onésta partìda, cuand al livél al crèssa, al taca a tribulär
Lucaréli séz : dato ch’ a ’n s’é miga ciapè gol e dato ch’ l’é l’ùnnich centräl ch’ al fnìssa il partìdi, a gh’ dagh la suficénsa, mo al Lucaréli äd l’an’ pasè l’éra n’ätra roba (anca al Pärma a dir la vrìtè)
Palètta du : a ’n pòs gnan pu dir ch’ l’é andè in-t-la sòvva parchè dòpa a riva dozént lìttri al diretor, no parchè a pära che la colpa äd ch’ la situasjón chi la sia dil pagéli in djalètt adés e miga äd chi à mìss insèmma ch’la scuädra e ch’la guida técnica chi, sénsa né capo né còvva !
Zacärd sìncov : sémp’r in ritärdi sémp’r in dificoltè, al patìssa col non-zógh chi in-t-na manéra ezageräda, al pòs anca capìr mo con la so capacitè al dovrìss guidär lu la carètta
Galloppa séz : coj pòch minud in-t-il gambi l’à fat al so eccome, l’ùnnich, a digh l’ùnnich ch’al stopa la bala e ch’al gh’abia n’idea äd coza sia i témp äd ‘na zugäda
Dzemaili sìncov : n’ätra partìda sénsa ‘na zugäda da ricordär, sénsa n’acut, sénsa njénta, e si ch’ a gh’éra anca Galloppa atàca mo njénta
Valian séz : Valian bén o mäl al gh’é mètta ch’la corsa, ch’la vója che ala fén äd l’òvra al porta a ca sémpor la suficénsa, specialmént cuand al zuga in-t l’ùnnich pòst indò al pól zugär osìa la fàsa
Morón séz : Stefano mo che confuzjón, però a tè m’ si piazù, sémp’r adòs a tutt, al pu grintóz ädla scuädra, e p’r al pu grintóz a gh’é sémp’r un bél vot
Palladén cuator : mi cuand a gh’é da bocär la bala e da spudär sangov e a väd vón ch’al fa i colp äd tàch a ripetisjón e al fa i pas da Cohiba a vagh in béstja ! Fòrsi a ’n s’é miga ancòrra capì chì a gh’é da salväros mo d’ätra pärta cuand a gh’é ancòrra cualchidón ch’ a pärla d’otäv pòst coza vrämma preténdor
Bojinov cuàtor : poca roba, e ch’ la poca ch’ a capita a vól fat gol, cme Amauri a Ròmma, sionò a ’s va pòch lontàn
Marino du : mo a ’s pól dichiarär “la squadra è in un buon momento” ???? ‘Na vitòrja in-t- ilj ùltmi vùnndoz partìdi, mo có él drè a scarsär par cäz ? No parchè chi a gh’é proprja pòch da scarsär cära al me Mìsster, dato che pò in Serie B a gh’andämma nojätor tifóz e citè, vìsst ch’a m’ imaginarìss béle che strajamént a gh’ sarìss ! Elóra lasämma lì äd contärja gròsi e väla par tutt !
(Pramzàn dal sas)
(Tgnèmmos vìsst)
(Testo di Crociato 63)
(Correzione ortografica a cura di Enrico Maletti)
Post
Nessun commento:
Posta un commento