(Testo solo in dialetto Parmigiano)
Ròmma Pärma 2-2
Mirànt séz : dòpa un prìmm témp dizastróz cme tùtta la scuädra al second témp l’à cambiè märcia e tésta e l’é stè decizìv in-t-un pär äd situasjón complicädi
Modést du : cuand la riväva a lu la bàla a paräva ch’ l’à gh’avìss déntor dil móji, la gh’ rimbalsäva via tutt il vòlti, e dir che dedlà Pavlén l’éra in panca a la fàcia äd chi al criticäva
Lucaréli séz : zéro fin al du a du, narvóz imprecìz sémp’r in ritärdi cme sul rigor, dal du a du in avanti al s’é mìss lì in méza cme la muraglia cinéza, a ’n n’é pu pasè nisón
Palètta cuator : Shining al né s’é ancòrra arpiclè, al paräva lì par cäz, dòpa déz minud l’äva béle fat rigor, e tùtta la partìda in dificoltè ! Ma cuäl él al ver Palètta ? Còl äd prìmma äd Nadäl o dòpa ?
Paci zéro : Massimo dailà nani, ormäj l’é ‘na filastroca ch’ l’à fiachè e miga pòch ! At vrämma bén tutt al sämma che a ch’la maja chi a tè gh’ tén bombén, mo porco d’un càn tolasudólsa dai là !
Zacärd du : strajè confuzjonäri sénsa idei e sénsa la forsa äd ragionär, al moment pu brutt da cuand Miclón l’é rivè a Pärma ( a propozit i m’àn ditt che al ver Miclón al s’é fat bjond anca lu, mo che lavor dì )
Valian òt : spostè insìmma ala fasa ( guärda cäz indòvva al zugäva l’an’ pasè ) l’é stè l’ultom ch’al gh’é cardäva ancòrra e col ch’ l’à fat i du cròss p’ri du gol ! A dimostrasjón che tì zbàtla in méza la bala che magàra un cuél a pól sucedor
Morón zéro : Stefano, a väla al comént äd Zacärd, a ’t si in-t-un stät äd confuzjón totäla, dailà su, forsa e coràg’ che vón da la tò esparjénsa al sé sarvìssa luccid, miga incazinè
Candréva zéro : al còrra par du al rénda par zéro, gran corsa mo l’é sénsa i témp äd zógh äd scuädra, mi a ’n so miga catär la solusjón par col ragas chi, mo second mi anca l’alenadór al gh’é lontan da savérla
Giovinco cuator : inezistént, invizìbbil, un péz par la scuädra cuand al càta ch’ il giornädi chi
Amauri déz : eh bé un gol ala Hernan da sigla televizìva, e pò la còza ch’ a m’é piazù äd pu l’é städa l’ezultansa sincera, e la fräsa “La Juventus non è più un mio problema” in risposta ala solita dmanda siòca d’un giornalìssta äd Sky ! Acsì a ’s fa, bravo !
Hernan déz : guärda cäz al monta su e la scuädra la taca a zburlär e la parègia, e pò al se sacrifica cuand a sämma restè in déz cuand al dìz al mìsster ch’ al vén zò lu par mèttor su un difensór ! Sémpor pu ‘na parsón’na speciäla in ogni ocazjón !
Marino zéro : fin al 74° zéro tir in porta, e dichiarasjón sémpor pu imbarasanti, d’intolerànsa vers la tifozeria ( definìda “gli esterni” ) e vers l’ambjént ! Mìsster, dato però che nojätor a Pärma a gh’ sämma nasù e a gh’ restarämma fin ch’ a scampämma e l’esterno l’é lu, s’al sénta ädla incompatibilitè a ‘n sarìss miga ‘na brutta idea fär su baraca e buratén e ciapär äd l’aria , e magara portär’s adrè anca chi l’à fat gnir in sa ch’ a farìsson bingo tutt !
Mirànt séz : dòpa un prìmm témp dizastróz cme tùtta la scuädra al second témp l’à cambiè märcia e tésta e l’é stè decizìv in-t-un pär äd situasjón complicädi
Modést du : cuand la riväva a lu la bàla a paräva ch’ l’à gh’avìss déntor dil móji, la gh’ rimbalsäva via tutt il vòlti, e dir che dedlà Pavlén l’éra in panca a la fàcia äd chi al criticäva
Lucaréli séz : zéro fin al du a du, narvóz imprecìz sémp’r in ritärdi cme sul rigor, dal du a du in avanti al s’é mìss lì in méza cme la muraglia cinéza, a ’n n’é pu pasè nisón
Palètta cuator : Shining al né s’é ancòrra arpiclè, al paräva lì par cäz, dòpa déz minud l’äva béle fat rigor, e tùtta la partìda in dificoltè ! Ma cuäl él al ver Palètta ? Còl äd prìmma äd Nadäl o dòpa ?
Paci zéro : Massimo dailà nani, ormäj l’é ‘na filastroca ch’ l’à fiachè e miga pòch ! At vrämma bén tutt al sämma che a ch’la maja chi a tè gh’ tén bombén, mo porco d’un càn tolasudólsa dai là !
Zacärd du : strajè confuzjonäri sénsa idei e sénsa la forsa äd ragionär, al moment pu brutt da cuand Miclón l’é rivè a Pärma ( a propozit i m’àn ditt che al ver Miclón al s’é fat bjond anca lu, mo che lavor dì )
Valian òt : spostè insìmma ala fasa ( guärda cäz indòvva al zugäva l’an’ pasè ) l’é stè l’ultom ch’al gh’é cardäva ancòrra e col ch’ l’à fat i du cròss p’ri du gol ! A dimostrasjón che tì zbàtla in méza la bala che magàra un cuél a pól sucedor
Morón zéro : Stefano, a väla al comént äd Zacärd, a ’t si in-t-un stät äd confuzjón totäla, dailà su, forsa e coràg’ che vón da la tò esparjénsa al sé sarvìssa luccid, miga incazinè
Candréva zéro : al còrra par du al rénda par zéro, gran corsa mo l’é sénsa i témp äd zógh äd scuädra, mi a ’n so miga catär la solusjón par col ragas chi, mo second mi anca l’alenadór al gh’é lontan da savérla
Giovinco cuator : inezistént, invizìbbil, un péz par la scuädra cuand al càta ch’ il giornädi chi
Amauri déz : eh bé un gol ala Hernan da sigla televizìva, e pò la còza ch’ a m’é piazù äd pu l’é städa l’ezultansa sincera, e la fräsa “La Juventus non è più un mio problema” in risposta ala solita dmanda siòca d’un giornalìssta äd Sky ! Acsì a ’s fa, bravo !
Hernan déz : guärda cäz al monta su e la scuädra la taca a zburlär e la parègia, e pò al se sacrifica cuand a sämma restè in déz cuand al dìz al mìsster ch’ al vén zò lu par mèttor su un difensór ! Sémpor pu ‘na parsón’na speciäla in ogni ocazjón !
Marino zéro : fin al 74° zéro tir in porta, e dichiarasjón sémpor pu imbarasanti, d’intolerànsa vers la tifozeria ( definìda “gli esterni” ) e vers l’ambjént ! Mìsster, dato però che nojätor a Pärma a gh’ sämma nasù e a gh’ restarämma fin ch’ a scampämma e l’esterno l’é lu, s’al sénta ädla incompatibilitè a ‘n sarìss miga ‘na brutta idea fär su baraca e buratén e ciapär äd l’aria , e magara portär’s adrè anca chi l’à fat gnir in sa ch’ a farìsson bingo tutt !
(Pramzàn dal sas)
(Tgnèmmos vìsst)
(Testo di Crociato 63)
(Correzine ortografica a cura di Enrico Maletti)
Post
Nessun commento:
Posta un commento