Successo per il quarto incontro con “Stasìra parlèmma in djalètt” in quartiere Montanara.

(Testo blu in Italiano)
Anche questa volta è stato fatto i pieno di pubblico per la quarta serata di “Stasìra parlèmma in djalètt”. Lo spettacolo si è svolto in via Pelicelli nel quartiere Montanara. Il successo è stato la fotocopia delle serate precedenti, cominciando da piazzale Inzani, piazzale Parri e piazzale Pablo, oltre trecento persone. I prossimi incontri sono venerdi 4 settembre in via Mordacci, quartiere San Pancrazio, martedì 8 settembre al Circolo Inzani nel quartiere Moletolo, dove nel più bello dello spettacolo verrà recitata la poesia “’Na buja fra can e gat” , interpretata da due attori che faranno parlare sicuramente di loro in tutta la città per il loro perfetto dialetto. A richiesta verrà replicato lo spettacolo lunedi 14 settembre in un locale di San Prospero. Intanto continuano ad arrivare richieste da varie località anche della provincia, per questo simpatico spettacolo dal semplice titolo “Stasìra parlèmma in djalètt”.

(Testo giallo dialetto Parmigiano)
Sucés p’r al cuärt incóntor con “Stasìra parlèmma in djalètt” in cuartér Montanära.
Anca sta vòlta l’é stè fat al pjén äd pubblich par la curta seräda äd “Stasìra parlèmma in djalètt”. Al spetàcol l’é stè fat in via Pelicéli in-t-al cuartér Montanära. Al sucés l’é stè la fotocopia dil serädi precedénti, cominciànd da pjasäl Insàni, pjasäl Parri e pjasäl Pablo, óltra tarzént persón’ni. I pròsim incóntor j én, venardi 4 setémbor in via Mordacci, cuartér San Pancràsi, martedì 8 setémbor al Cìrcol Insàn in-t-al cuartér Molètddol, indò in-t-al pù bél dal spetàcol a srà recitäda la poezia “’Na buja fra can e gat” , interpretäda da du atór chi faràn parlär sicuramént äd lór in tutta la citè p’r al lór parfét djalètt. A richjésta a srà replichè al spetàcol lundì 14 setémbor in-t- un locäl äd San Pròspor. Intànt a contìnua a rivär richiésti da parècci localitè anca ädla provincia, par còl simpàtich spetàcol dal sémplic’ tìtol “Stasìra parlèmma in djalètt”.
(Tgnèmmos vìsst)
(Pramzàn dal sas)
(Nelle foto: 1) Giuseppe Mezzadri autore di alcuni testi di Stasìra parlèmma in djalètt, 2) il gruppo degli attori con il giornalista Achille Mezzadri nella serata del 23 luglio in piazzale Pablo, 3) Enrico Maletti mentre legge la poesia al Condomìnni.