Pagéli di Crozè campionät 2010/2011
Mirànt séz : còza pu eclatanta ädla stagjón l’é städa la varietè äd majètti spjanädi ch’ a paräva d’ésor al serädi funky dal Frambo putòst che al Tardini a t’ si stè la prìmma vitima dal schema champagne, al prìmm resuscitè dal schema lambrùssch ! A tutt il manéri con ‘na dìféza da razón Mirànt l’é un portér bón bombén sénsa discusjón !
Pavarén déz : fondamentäl con Hernan j’àn tgnù insèmma i tòch in-t-al momént pu brutt e cuand l’é stè ciamè in camp al s’é sémpor dimostrè pront e preparè, gran profesionìssta e gran parsón’na ! Confermè asolutamént…DA MI vamolà !
Antonéli sénsa vot : cuant’al zughè ? Poch poch e pò l’é stè sacrifichè par di bagarón, e in compéns Modést al l’à sostituì pu che onestamént ! In bòcca al lòvv Altobéli ( cme i t’ ciamävon còj äd La Bella Età davanti al Tardini ala fén dil partìdi )
Angelo séz : Arnold l’éra anca partì bén, con socuànt cross casè déntor da Hernan, pò al genio l’à tachè a färol zugär dapartutt fóra che in do al gh’äva da zugär elóra bón’na nòt sonadór
Feltscher séz : mäl ch’ a vaga al manda al curriculum al Cohiba e al càta lavór in du minud ! Cme s’fa a där al vót a vón ch’al n’à cuäzi mäj zughè ? Ala facia dal Progetto Parma, a paroli e basta
Lucaréli séz : a zugär a trì dardè al paräva n’ex zugadór, adésa con Palètta i päron Costacurta Baresi ( o sa vrämma Minotti Apolloni ) ; st’an ch’vén có fämma ? A cuator n’ätr an’ second mi l’al pól fär ala granda basta che al Marén al sarvìssa a stagjonär i parsùtt e basta
Paci séz : Massimo la suficénsa l’é la media tra un gran vót ala parsón’na e un brut vót al zugadór; stagjón dizastróza, purtrop par ti con Colomba a ’n t’è mäj zughè parchè cme tutt ch’j ätor te t’ sarìss arfàt, a tutt il manéri par dil parsón’ni cme ti a Pärma a gh’à sémpor da ésor pòst
Palètta sèt : un vót in pu parchè Shining l’éra ‘na scomìssa, e in fonda in fonda, con di ält e bas cme ‘na montagna rùssa la scomìssa l’é städa vénsa, grasja a Colomba anca par ti
Pisano séz : vè Pisàn t’oféndot sa digh ch’a m’ arcòrd miga cme a t’ zugh ? No ah parchè a t’è zughè acsì poch che pròprja a fagh fadìga
Zacärd sèt : tgnù ala cadén’na curta par tri cuärt äd stagjón, narvóz e scontént, l’à sgnè un gòl fon-da-men-täl a Gènnva e in- t-i ultmi partìdi l’à fat almeno almeno déz zugädi da grandìssim zugadór cme l’é, p’r intenditór, djagonäli, intarvént al päl, insomma a torni a dir che in nasjonäla a zuga ädla génta cme Chiellini e Bonucci ch’ a né gh’ gruppa gnanca il scärpi a MIclón !
Toni Calvo déz : scomìssa vénsa, dal rést i s’ l’ävon dìtt ch’al gh’ à al gol in-t-al DNA, e il promìssi j’én städi mantgnudi al sént par sént ! Insostituìbbil ! Un fuoriclàsa
Candréva cuator : stagjón negativa con la sréza insìmma a la torta ädla senegiäda con l’Inter ! Vót un consìli ? In cualsiasi scuädra t’andrè a zugär pénsa prìmma a la scuädra e pò a tì, parchè l’é l’unica manéra par figurär bén e fär cariera, e l’é l’ezat conträri äd còl ch’ a t’è fat st’an’ !
Dzemaili séz : st’ istè continua a guardär Zoratto, e pò cuand a t’è fnì con Zoratto pasa a guardär Pin e pò anca Pirlo, mùccia ädla maruga cme lilór e a t’ vén fóra un zugadór cój barbìz, sionò a t’ resti né cärna e né pèss e con col fizich lì a sarìss un pchè
Galloppa òt : vót d’incoragiamént, sfortunè da l’inìssi ala fén, l’à dimostrè inteligénsa parchè l’à capì che pistär i pè o sarcär d’acelerär al rientor a sarìss stè ‘na stupidäda ! St’an ch’ vén second mi artornarämma a väddor al vér Galloppa ( ch’ l’é un sjòr zugadór )
Gobbi séz : n’ätra vìtima äd Mìsster Playstation, al gh’ à fat fär pu figuri grami a lu che tutt coj ch’j andävon a la Corrida äd Corrado ! Colomba l’à capì tutt subìt, trénta met’r indrè e voilà, Gobbi par magia l’é artornè un zugadór äd balón, miga Roberto Carlos ma vón che la so partìda al l’à fa sémpor con serietè e pòch pochìssim zbalj
Modést sèt : cme a s’ diz ? Un crescendo Rossiniano ? Ecco Modést l’à fat acsì, parténsa imbarasanta, sèt o òt partìdi da man in-t-i cavìj, e pò, cambjè al manogh, cambjè al schema, a pära d’ésor artornè indrè vint an’ ( magàra ) con Benarrivo in camp ! Bräv bravìssim !
Morón séz : Capitàn Capitàn, a pòs capir anca tì, mo t’al sè col ch’ a m’é restè insìmma al stòmmogh ah? Tùtti ch’il senegiädi che insomma l’éra méj lasär a chj ätor, parchè la colpa l’éra soltant vostra, ansi äd chi a v’ mandäva in camp e äd chi al l’à tgnù séz méz pu dal dovù, e pò in fónda anca tì cme Lazzaro, ‘na resuresjón da ciocamént äd man !
Nwanko déz : cme i minud ch’ l’à zughè, có m’ pòsja inventär d’ätor ? Sperämma st’ an’ ch’vén äd väddor un pò pu äd ragas in camp, parchè l’é bél väddor ädla gioventù in camp no ?
Valian séz : povor Valian, anca la pónta i t’àn fat fär, a gh’ mancäva déz minud da portér e pò a t’ s’ér a pòst ! A t’ò vìsst col téror in-t-i òc’ parècci vòlti, valà che par sés méz a Pärma a s’é vìsst äd tutt dabón, un film äd paura continuo, pò in fónda armìss in-t-al pòst in do l’é bón äd stär l’à fat dil partìdi da ciocamént äd man , vùnna drè a ch’ l’ätra
Ze Eduardo trì : trì cme Rai trì, al canäl äd “chi l’ha visto” ! E dir che sl’é stè preferì a Armero al dovrìss ésor bón bombén, mo chi c’sì a paräva che i giòvvon i gh’avìsson la pésta parchè al j à tgnäva lontàn al pu posìbbil da la prìmma scuädra ! Mah
Amauri déz : spaventóz j’én stè l’impàt, la concretèssa, l’importansa l’eficacia chirurgica äd col ragas chi ! L’é stè col ch’ a s’à tngù a gàla in-t-al momént decizìv con ‘na vója e n’impìggn straordinäri ! E mi a ’n fagh miga fadìga a dir ch’ a ’n gh’arìss miga scomìss un evro ! Sarà dura ch’al résta mo cuand al tornarà al Tardini ciocamént äd man e basta
Bojinov séz : parchè séz ? Parchè cuand a gh’é la stagjón storta, parèc’ zugadór i fan anca dal cazén in-t-al grùp, i bòffon imsìmma ai bräz ( cme còl la l’an’ ädla retrocesjón ) e i spàcon cól poch ch’ a gh’ résta da spacär, invéci lu l’à sémpor “fat al bräv”, tirè da la pärta giusta e dè ‘na man a tutt anca s’al né zugäva mäj ! St’an ch’vén però la man la vrìss däda in camp con di gol ah lòmo ? Dai su !
Hernan déz : sa tach a scrìvvor a gh’ vén fóra un romanz, mo con Hernan, par la parsón’na ch’ l’é a gh’ n’è basta äd cuator paroli “GRASJA ÄD TUTT HERNAN”
Giovinco òt : al conträri äd Candréva dopa socuanti partìdi zugädi da “Circo Togni”, l’à tachè a ragjonär in funsjón ädla scuädra e l’à fat de spès la difarénsa par nojätor ! Cme j’ò béle dit, second mi Pärma l’é la so dimensjón parféta, a podrìss spontär ‘na béla fòla, basta vrérol in du ! Tì co dit pluga ? Sta miga andär a sarcär al frèd p’r al lét in-t-na scuädra gròsa che pò té gh’ résti déntor ancòrra, sta chi e a t’ vedrè ch’ l’é al pòst parfét par tì
Marques cuàtor : ala fén a s’ fäva fadiga anca a criticärol parchè s’ a gh’éra ‘na còza ch’al gh’äva l’éra ch’al gh’é metäva l’alma, mo ragas, mi un zugadór acsì sconclusjonè, acsì fóra dai témp, dai schema, dai movimént äd ‘na scuädra a ’n l’äva mäj vìsst, mäj, un Gasbarón moltiplichè par sént !
Paladén séz : cuàtor gol anca important, mo robust cme la roba ch’a venda Pasalacua in Pjäsa ädla Stecäda, un bél bilén d’acordi, mo un bilén äd cristàl
Paloschi òt : purtrop cuand a t’è tachè a stär bén j’én saltè fóra il perditi ädla séria B a scòpi ritardè dòpa n’ an’ e méz, elóra adio Putén, mo sta trancuìl, che nisón a Pärma al sé scordarà i tò gol, la tò vója äd fär bén e la tò simpatia, in bòcca al lòvv e cuand a t’ tornarè al Tardini sémpor un ciocamént äd man da pärta mèjja ( s’ a gh’ sarò artornè anca mi ) mo son convint da pärta äd tutt i Pramzàn
Marino zèro : con tutt al cór, cära al me Mìsster, l’avgurio ch’ a gh’ fagh l’é äd catär in-t-la so cariéra sémpor n’ambiént conträri cme a Pärma, e a j’ò béle dìtt tutt, a ’n vój miga butär via äd l’ätor inciòstor par njénta
Colomba déz : da zéro a déz, dzämma Mìsster ch’ l’éra imposìbbil fär péz, mò lu al gh’à mìss tutt, mo pròprja tutt còl ch’ a gh’ mancäva prìmma, psicologia, tecnica, maruga, bón séns, fondoschiena ( a gh’ vól anca còl li ah, anca Napoleone a s’ l’à insgnè ) sinceritè e attributi ( che scrìvvrol in djalètt a sarìss trop volgär ) ! La salvèssa l’é targäda Colomba sénsa dùbbi, sperämma äd väddor un bél campjonät targhè Colomba anca st’an’ ch’vén !
Boys déz : parchè la còza pu béla äd la stagjón l’é städa äd gran lónga la coreografia par ricordär al Bagna, che dé’ d là su al l’arà vìssta insèmma al Còmo e al Vàppo che da ch’la partìda lì andär avanti a s’ vädda chi s’àn dè ‘na man da lasù par saltärogh fóra ancòrra ‘na volta ! Tgnì dur ragas anca se tgnìr dur l’é sémpor pu dur ! AVANTI CROCIATI !
(Tgnèmmos vìsst)
(Pramzàn dal sas)
Pavarén déz : fondamentäl con Hernan j’àn tgnù insèmma i tòch in-t-al momént pu brutt e cuand l’é stè ciamè in camp al s’é sémpor dimostrè pront e preparè, gran profesionìssta e gran parsón’na ! Confermè asolutamént…DA MI vamolà !
Antonéli sénsa vot : cuant’al zughè ? Poch poch e pò l’é stè sacrifichè par di bagarón, e in compéns Modést al l’à sostituì pu che onestamént ! In bòcca al lòvv Altobéli ( cme i t’ ciamävon còj äd La Bella Età davanti al Tardini ala fén dil partìdi )
Angelo séz : Arnold l’éra anca partì bén, con socuànt cross casè déntor da Hernan, pò al genio l’à tachè a färol zugär dapartutt fóra che in do al gh’äva da zugär elóra bón’na nòt sonadór
Feltscher séz : mäl ch’ a vaga al manda al curriculum al Cohiba e al càta lavór in du minud ! Cme s’fa a där al vót a vón ch’al n’à cuäzi mäj zughè ? Ala facia dal Progetto Parma, a paroli e basta
Lucaréli séz : a zugär a trì dardè al paräva n’ex zugadór, adésa con Palètta i päron Costacurta Baresi ( o sa vrämma Minotti Apolloni ) ; st’an ch’vén có fämma ? A cuator n’ätr an’ second mi l’al pól fär ala granda basta che al Marén al sarvìssa a stagjonär i parsùtt e basta
Paci séz : Massimo la suficénsa l’é la media tra un gran vót ala parsón’na e un brut vót al zugadór; stagjón dizastróza, purtrop par ti con Colomba a ’n t’è mäj zughè parchè cme tutt ch’j ätor te t’ sarìss arfàt, a tutt il manéri par dil parsón’ni cme ti a Pärma a gh’à sémpor da ésor pòst
Palètta sèt : un vót in pu parchè Shining l’éra ‘na scomìssa, e in fonda in fonda, con di ält e bas cme ‘na montagna rùssa la scomìssa l’é städa vénsa, grasja a Colomba anca par ti
Pisano séz : vè Pisàn t’oféndot sa digh ch’a m’ arcòrd miga cme a t’ zugh ? No ah parchè a t’è zughè acsì poch che pròprja a fagh fadìga
Zacärd sèt : tgnù ala cadén’na curta par tri cuärt äd stagjón, narvóz e scontént, l’à sgnè un gòl fon-da-men-täl a Gènnva e in- t-i ultmi partìdi l’à fat almeno almeno déz zugädi da grandìssim zugadór cme l’é, p’r intenditór, djagonäli, intarvént al päl, insomma a torni a dir che in nasjonäla a zuga ädla génta cme Chiellini e Bonucci ch’ a né gh’ gruppa gnanca il scärpi a MIclón !
Toni Calvo déz : scomìssa vénsa, dal rést i s’ l’ävon dìtt ch’al gh’ à al gol in-t-al DNA, e il promìssi j’én städi mantgnudi al sént par sént ! Insostituìbbil ! Un fuoriclàsa
Candréva cuator : stagjón negativa con la sréza insìmma a la torta ädla senegiäda con l’Inter ! Vót un consìli ? In cualsiasi scuädra t’andrè a zugär pénsa prìmma a la scuädra e pò a tì, parchè l’é l’unica manéra par figurär bén e fär cariera, e l’é l’ezat conträri äd còl ch’ a t’è fat st’an’ !
Dzemaili séz : st’ istè continua a guardär Zoratto, e pò cuand a t’è fnì con Zoratto pasa a guardär Pin e pò anca Pirlo, mùccia ädla maruga cme lilór e a t’ vén fóra un zugadór cój barbìz, sionò a t’ resti né cärna e né pèss e con col fizich lì a sarìss un pchè
Galloppa òt : vót d’incoragiamént, sfortunè da l’inìssi ala fén, l’à dimostrè inteligénsa parchè l’à capì che pistär i pè o sarcär d’acelerär al rientor a sarìss stè ‘na stupidäda ! St’an ch’ vén second mi artornarämma a väddor al vér Galloppa ( ch’ l’é un sjòr zugadór )
Gobbi séz : n’ätra vìtima äd Mìsster Playstation, al gh’ à fat fär pu figuri grami a lu che tutt coj ch’j andävon a la Corrida äd Corrado ! Colomba l’à capì tutt subìt, trénta met’r indrè e voilà, Gobbi par magia l’é artornè un zugadór äd balón, miga Roberto Carlos ma vón che la so partìda al l’à fa sémpor con serietè e pòch pochìssim zbalj
Modést sèt : cme a s’ diz ? Un crescendo Rossiniano ? Ecco Modést l’à fat acsì, parténsa imbarasanta, sèt o òt partìdi da man in-t-i cavìj, e pò, cambjè al manogh, cambjè al schema, a pära d’ésor artornè indrè vint an’ ( magàra ) con Benarrivo in camp ! Bräv bravìssim !
Morón séz : Capitàn Capitàn, a pòs capir anca tì, mo t’al sè col ch’ a m’é restè insìmma al stòmmogh ah? Tùtti ch’il senegiädi che insomma l’éra méj lasär a chj ätor, parchè la colpa l’éra soltant vostra, ansi äd chi a v’ mandäva in camp e äd chi al l’à tgnù séz méz pu dal dovù, e pò in fónda anca tì cme Lazzaro, ‘na resuresjón da ciocamént äd man !
Nwanko déz : cme i minud ch’ l’à zughè, có m’ pòsja inventär d’ätor ? Sperämma st’ an’ ch’vén äd väddor un pò pu äd ragas in camp, parchè l’é bél väddor ädla gioventù in camp no ?
Valian séz : povor Valian, anca la pónta i t’àn fat fär, a gh’ mancäva déz minud da portér e pò a t’ s’ér a pòst ! A t’ò vìsst col téror in-t-i òc’ parècci vòlti, valà che par sés méz a Pärma a s’é vìsst äd tutt dabón, un film äd paura continuo, pò in fónda armìss in-t-al pòst in do l’é bón äd stär l’à fat dil partìdi da ciocamént äd man , vùnna drè a ch’ l’ätra
Ze Eduardo trì : trì cme Rai trì, al canäl äd “chi l’ha visto” ! E dir che sl’é stè preferì a Armero al dovrìss ésor bón bombén, mo chi c’sì a paräva che i giòvvon i gh’avìsson la pésta parchè al j à tgnäva lontàn al pu posìbbil da la prìmma scuädra ! Mah
Amauri déz : spaventóz j’én stè l’impàt, la concretèssa, l’importansa l’eficacia chirurgica äd col ragas chi ! L’é stè col ch’ a s’à tngù a gàla in-t-al momént decizìv con ‘na vója e n’impìggn straordinäri ! E mi a ’n fagh miga fadìga a dir ch’ a ’n gh’arìss miga scomìss un evro ! Sarà dura ch’al résta mo cuand al tornarà al Tardini ciocamént äd man e basta
Bojinov séz : parchè séz ? Parchè cuand a gh’é la stagjón storta, parèc’ zugadór i fan anca dal cazén in-t-al grùp, i bòffon imsìmma ai bräz ( cme còl la l’an’ ädla retrocesjón ) e i spàcon cól poch ch’ a gh’ résta da spacär, invéci lu l’à sémpor “fat al bräv”, tirè da la pärta giusta e dè ‘na man a tutt anca s’al né zugäva mäj ! St’an ch’vén però la man la vrìss däda in camp con di gol ah lòmo ? Dai su !
Hernan déz : sa tach a scrìvvor a gh’ vén fóra un romanz, mo con Hernan, par la parsón’na ch’ l’é a gh’ n’è basta äd cuator paroli “GRASJA ÄD TUTT HERNAN”
Giovinco òt : al conträri äd Candréva dopa socuanti partìdi zugädi da “Circo Togni”, l’à tachè a ragjonär in funsjón ädla scuädra e l’à fat de spès la difarénsa par nojätor ! Cme j’ò béle dit, second mi Pärma l’é la so dimensjón parféta, a podrìss spontär ‘na béla fòla, basta vrérol in du ! Tì co dit pluga ? Sta miga andär a sarcär al frèd p’r al lét in-t-na scuädra gròsa che pò té gh’ résti déntor ancòrra, sta chi e a t’ vedrè ch’ l’é al pòst parfét par tì
Marques cuàtor : ala fén a s’ fäva fadiga anca a criticärol parchè s’ a gh’éra ‘na còza ch’al gh’äva l’éra ch’al gh’é metäva l’alma, mo ragas, mi un zugadór acsì sconclusjonè, acsì fóra dai témp, dai schema, dai movimént äd ‘na scuädra a ’n l’äva mäj vìsst, mäj, un Gasbarón moltiplichè par sént !
Paladén séz : cuàtor gol anca important, mo robust cme la roba ch’a venda Pasalacua in Pjäsa ädla Stecäda, un bél bilén d’acordi, mo un bilén äd cristàl
Paloschi òt : purtrop cuand a t’è tachè a stär bén j’én saltè fóra il perditi ädla séria B a scòpi ritardè dòpa n’ an’ e méz, elóra adio Putén, mo sta trancuìl, che nisón a Pärma al sé scordarà i tò gol, la tò vója äd fär bén e la tò simpatia, in bòcca al lòvv e cuand a t’ tornarè al Tardini sémpor un ciocamént äd man da pärta mèjja ( s’ a gh’ sarò artornè anca mi ) mo son convint da pärta äd tutt i Pramzàn
Marino zèro : con tutt al cór, cära al me Mìsster, l’avgurio ch’ a gh’ fagh l’é äd catär in-t-la so cariéra sémpor n’ambiént conträri cme a Pärma, e a j’ò béle dìtt tutt, a ’n vój miga butär via äd l’ätor inciòstor par njénta
Colomba déz : da zéro a déz, dzämma Mìsster ch’ l’éra imposìbbil fär péz, mò lu al gh’à mìss tutt, mo pròprja tutt còl ch’ a gh’ mancäva prìmma, psicologia, tecnica, maruga, bón séns, fondoschiena ( a gh’ vól anca còl li ah, anca Napoleone a s’ l’à insgnè ) sinceritè e attributi ( che scrìvvrol in djalètt a sarìss trop volgär ) ! La salvèssa l’é targäda Colomba sénsa dùbbi, sperämma äd väddor un bél campjonät targhè Colomba anca st’an’ ch’vén !
Boys déz : parchè la còza pu béla äd la stagjón l’é städa äd gran lónga la coreografia par ricordär al Bagna, che dé’ d là su al l’arà vìssta insèmma al Còmo e al Vàppo che da ch’la partìda lì andär avanti a s’ vädda chi s’àn dè ‘na man da lasù par saltärogh fóra ancòrra ‘na volta ! Tgnì dur ragas anca se tgnìr dur l’é sémpor pu dur ! AVANTI CROCIATI !
(Tgnèmmos vìsst)
(Pramzàn dal sas)
(Testo di Crociato 63)
(Correzione ortografica a cura di Enrico Maletti)
Post
Nessun commento:
Posta un commento