Giorgio Capelli, scomparso nei giorni scorsi, oltre che essere stato il fondatore del gruppo musicale “Gli Snakes”, sin da giovane, era stato anche professore di "Applicazioni tecniche" alla scuola Bottego, allora chiamata (La ZECCA), di Piazzale San Francesco. Tra i suoi numerosi allievi, negli anni 1963/64/65, Corradone Marvasi, e chi scrive, Enrico Maletti. Anni dopo, nel 2007, Capelli e io, ci siamo ritrovati alla Famija Pramzàna e, ricordandosi della mia passione per il dialetto fin dagli anni della scuola, sempre in quell'anno, "l'ex prof" mi ha dedicatoto una poesia in Djalètt Pramzàn dal titolo AL MÈ SCOLÄR ENRICO MALETTI. Qui sotto pubblico il testo che Giorgio ha letto solo una volta in una serata dedicata al “Djalètt Pramzàn”.                                                                                                              

AL MÈ SCOLÄR ENRICO MALETTI 

Gh'é chi dèdica 'na poezia o un sonètt ala moróza chi invéci po' al la scrìvva ala so' spóza. Mi ch'a scrìvv dil balosädi ispirè dal simpatìi e ànca affetti a vój dedicär ste socuànt righi al mè scolär Maletti. L'é 'na parsón'na che par fortón'na da pòch témp j'ò rincontrè dòp cuäzi pu äd cuarànt'ani che con do plati a l'äva batzè, parchè a gh'ì da savér... che mi són stè al so profesór al scóli médi indó insgnär tecnica l'éra al mè lavor. A n'ò pasè äd ragas, 'na mùccia...in tant ani d'insegnamént mo m'arcòrd soltant... i pù simpatich v'al dìggh sinceramént. M'arcòrd vlontéra d'un mingarlén ciciarón...ànca se mìga un fico ch'al rispondäva al nòmm d' un sèrt Maletti Enrico. N'ariss mäj pensè che Enrico in méza a sté mucc' äd ragas  l'éra l'originäl dal pramzàn dal sas. Mi ch'a són cme spirit e tradisjon un pamzàn vér vèddrol recitär dòp cuarànt' ani in djalètt l'é sté un pjazér. “Mo vè” al mé scolär Maletti...l'é dvintè a Pärma 'na sòrta äd celebritè, al raprezénta cól cór e degnamént la tradisjón ädla citè. Enrico l'é cme un bón cafè ristrètt...e cuindi un concentrè e al gh'à déntor tutt il virtù e i caràtor ädla Parmigianitè. Al gh'à ancòrra al spirit Pramzàn...sia par l'arlja che par savér torlìr, ànca s'al zbràja un po' da bas...v'al giur, al s' fa sentir. Pensì génti cme l'é la vìtta...decizamént pjén'na  äd scaravoltón, adésa l'é al profesór ch'al va da lu ...p'r al djalètt a tor lesjon. L'a fat 'na còza granda p'r i Pramzàn sia p'r i sjòri che p'r i povrètt l'à miss insèmma un gran bél sit insìmma a internet. Acsì socuànt strajè o chi gh'à äd Pärma un po' äd nostalgja con “parmaindialètt” i tórnon a ca' sòvva e is' mètt'n in alegria. Adésa Enrico a gh' dagh' un taj...se no t'ét móntla tésta 't si stè promòs ancòrra...su catèmmos in Fmija e fèmma fésta. Parma maggio 2007 .....Giorgio Capelli

Tgnèmmos vìsst