È mort Ugo Roman ristoratór pramzàn che in-t-i prìmm ani 90 l'äva avèrt al ristorant a Videgmér. Mi Ugo al conosèva dal 1970, cuand so pädor Severino, (mé cliént) al gh'äva la botéga da salumér ala (Rocca) äd San Lazor azvén indó incó a gh'é al negòsi äd so fradél Silvan e sia Ugo che Silvan i movävon i prìmm pas in-t-la botéga dal pädor. Severino e Ugo par mi j' én städi do parsón'ni ch' j' àn contribuì a fär crèssor al comérc' in-t-la nostra Pärma, insèmma a Silvan ch' l'é al titolär äd parècci salumerìì a Pärma, 'na famija che al comérc' a gh' l'à in-t-al sangov anca con la soréla Inamore. A nòmm äd tutt i pramzàn a fagh il condoljansi in djalètt, ch'l'é la lénngua ch'a parläva Ugo, ala sjòra Margarìta e al fjól Fabio ch' l'à racòlt n' ereditè importanta bombén e ch'al srà bón äd mandär avanti al nòmm ädla famija.
Tgnèmmos vìsst
Post
Nessun commento:
Posta un commento