(Testo solo in dialetto parmigiano)
Juventus Pärma 4-1
Juventus Pärma 4-1
Mirànt zéro : parténsa strepitóza njént da dir ! Zéro parädi cuator gol ! A s’ vädda che nisón v’ à dìtt che al siopero l’éra fnì ! Complimént !
Zacärd séz : l’ùnnich ch’ l’abia dè l’idéa d’ ésor un zugadór da balón, difati da cla pärta lì i’n gh’én mäj pasè purtrop, j’ andävon sémpor dedlà indò gh’éra l’autosträda !
Lucaréli zéro : ät fat il vacansi con Cristiano st’ istè ? No parchè a t’è miss su la sò agilitè, piantè cme un grùggn
Palètta zéro : Del Piero l’à zughè a nascondén tutt al témp, mo ti a té gh’ l’è ancòrra da catär, e lu intant l’à fat tana e l’à lìberè tutt
Rubin zéro : anca tì ancòrra in siopero ah ? E al contribut äd solidarietè ì ’t l’ àn dè lór ! Zvélia nàno, costa chi sa ‘n t’é miga d’avìs la s’ ciäma seria A capì ????
Valian zéro : corsa bombén, sostansa zéro, cualitè dizastróza ! Có gh’ vól andär in forma ?
Morón zéro : capitàn indó l’iv lasäda la grénta ? Al sindacät ? Mi a ésor umiliè a Torén a m’à dè fastìddi bombén mo bombén !
Galloppa zéro : par ti invéci có è stè inventè al siopero ädla velocitè ! A t’ paräv un 45 gìr cuand a s’ lasäva al botón di gir, insòmma ai trentatrì !
Modést zéro : tato cuand a s’ va avanti a gh’ vól anca la forsa d’artornär indrè specialmént cuand’ a t’ gh’è al tò compagn äd scuädra esordiént ! Sionò a vól dìr drovär la conisjón äd chi zuga in-t-al cortil dal prét, cioè zéro !
Pellè séz : al meno péz dal Pärma, purtrop in cól schema lì al gh’ éntra cme Rosy Bindi a Miss Italia, però almeno a gh’ l’à missa tùtta
Giovinco cuator : la vója äd strafär in-t-al prìmm témp la t’à freghè, in-t-al second sparì cme tùtta la scuädra, lòmo prepärot che la salvèssa dal Pärma la gh’à da pasär da ti par forsa st’an’, elóra su il manghi e fär ädla lèggna
Colomba zéro : Mìsster, parténsa che péz d’acsì a n’è m’ la podäva pròprja immaginär.
Al bonus l’é béle zughè, da Domenica ch’ vén pòchi bali e tanta grènta ! Valabén ?
Zacärd séz : l’ùnnich ch’ l’abia dè l’idéa d’ ésor un zugadór da balón, difati da cla pärta lì i’n gh’én mäj pasè purtrop, j’ andävon sémpor dedlà indò gh’éra l’autosträda !
Lucaréli zéro : ät fat il vacansi con Cristiano st’ istè ? No parchè a t’è miss su la sò agilitè, piantè cme un grùggn
Palètta zéro : Del Piero l’à zughè a nascondén tutt al témp, mo ti a té gh’ l’è ancòrra da catär, e lu intant l’à fat tana e l’à lìberè tutt
Rubin zéro : anca tì ancòrra in siopero ah ? E al contribut äd solidarietè ì ’t l’ àn dè lór ! Zvélia nàno, costa chi sa ‘n t’é miga d’avìs la s’ ciäma seria A capì ????
Valian zéro : corsa bombén, sostansa zéro, cualitè dizastróza ! Có gh’ vól andär in forma ?
Morón zéro : capitàn indó l’iv lasäda la grénta ? Al sindacät ? Mi a ésor umiliè a Torén a m’à dè fastìddi bombén mo bombén !
Galloppa zéro : par ti invéci có è stè inventè al siopero ädla velocitè ! A t’ paräv un 45 gìr cuand a s’ lasäva al botón di gir, insòmma ai trentatrì !
Modést zéro : tato cuand a s’ va avanti a gh’ vól anca la forsa d’artornär indrè specialmént cuand’ a t’ gh’è al tò compagn äd scuädra esordiént ! Sionò a vól dìr drovär la conisjón äd chi zuga in-t-al cortil dal prét, cioè zéro !
Pellè séz : al meno péz dal Pärma, purtrop in cól schema lì al gh’ éntra cme Rosy Bindi a Miss Italia, però almeno a gh’ l’à missa tùtta
Giovinco cuator : la vója äd strafär in-t-al prìmm témp la t’à freghè, in-t-al second sparì cme tùtta la scuädra, lòmo prepärot che la salvèssa dal Pärma la gh’à da pasär da ti par forsa st’an’, elóra su il manghi e fär ädla lèggna
Colomba zéro : Mìsster, parténsa che péz d’acsì a n’è m’ la podäva pròprja immaginär.
Al bonus l’é béle zughè, da Domenica ch’ vén pòchi bali e tanta grènta ! Valabén ?
(Tgnèmmos vìsst)
(Testo di Crociato 63)
(Correzione ortografica a cura di Enrico Maletti)
Nessun commento:
Posta un commento