La ricéta p’r j’anolén ala Pramzàna

Anca sa n’ sèmma mìga in stagjón l’é sémpor un gran bón pjat Pramzàn
VIVA L’ANOLÉN PRAMZÀN

(Testo giallo dialetto Parmigiano)

Ingredjént p’r al pjén:
Par fär al stracòt, cärna äd manz, vitél e gozén, sentzincuanta gram ‘d pan razù, nóza moscäda, säl.

Ingredjént par la fojäda:
Setzént gram ‘d farén’na, cuatr’ óv, socuànt cuciär d’acua.

Al pjén al sprepära acsi:
Maznär fén al stracòt ricavè da méz chilo äd cärna in-t-na trén’na, mèttor al pan razù e bagnärol col sùg cäld dal stracòt, zontär j’óv intrègh, al formàj grana razù, e la cärna tridäda, pù ‘na gratäda ‘d noza moscäda, regolär giusst al säl e mètt’r insèmma tutt. Al pjén al va mìss in frigo, cuatè su e intànt as prepära la fojäda. Po as comincia a fär j’ anolén, as mètta al pjén in-t-la fojäda a mucèt grosi cmé nisóli, pochi par vòlta; as piga la pasta e con al stampén apòsit as fa j’anolén.

Na vòlta fat j’anolén i van mìss insìmma a un ripjàn äd lèggn cuatè da ‘na tvaja; e i van tgnù in-t-un pòst frèsch par vón o du gióron al masim. Se j’avrì conservär pu a lóngh infarinär un pjàt da portäda e mèttor j’anolén bén distant, po mèttor tutt in-t-un sachètt p’r alimént, bén sigilè mèttoria in-t-al congelatór,
acsì is pólon mantgnìr par du o trì méz.

(Testo blu in Italiano)
La ricetta per fare gli anolini alla parmigiana

Ingredienti per il ripieno:
Per fare lo stracotto, carne di manzo, vitello e maiale, centocinquanta grammi di pane grattugiato noce moscata, sale.

Ingredienti per la sfoglia:
Settecento grammi di farina, quattro uova, qualche cucchiaio di acqua.

Il ripieno si prepara così:
Macinare fine lo stracotto ricavato da mezzo chilo di carne in una terrina, mettere il pane grattugiato e bagnarlo con il sugo caldo dello stracotto, aggiungere le uova intere, il formaggio grana grattugiato e la carne tritata, in oltre noce moscata grattugiata, mettere il sale in quantità giusta e amalgamare il tutto. Il ripieno va messo in frigorifero coperto e intanto si prepara la sfoglia. Poi si cominciano a fare gli anolini, si mette il ripieno nella sfoglia a mucchietti grossi come noccioline poco alla volta; si piega la pasta e con l’apposito stampo si fanno gli anolini.

Fatti gli anolini vanno messi su di un ripiano di legno coperti da una tovaglia e vanno tenuti in un posto fresco per uno o due giorni al massimo. Se li volete conservare più a lungo infarinate un piatto da portata e mettete gli anolini ben distanti, poi dentro in un sacchetto per alimenti ben sigillato riporli nel congelatore, così li potrete mantenere anche per due o tre mesi.