(Testo blu in Italiano)Quando gli altri pensano che tu sia alla fine, allora è il momento di cominciare (Konrad Adenauer)(Testo giallo dialetto Parmigiano)Cuand ch' j' ät'r i pénson che ti 't zi ala fén, alora l'é al momént äd cominciär (www.parmaindialetto.it) Si può capire la vita passata, ma bisogna vivere guardando al futuro(Soren Kierkegaard)'S pól capìr la vìtta pasäda, mo bizòggna vìvor guardànd al futùr (www.parmaindialetto.it) Dobbiamo sopportare le delusioni, ma non possiamo mai perdere la speranza (Martin Luther King)A gh' èmma da soportär il deluzjón, mo 'n podèmma mäj pèrdor la sperànsa ((www.parmaindialetto.it)
Tra l'orgoglio e l'umiltà nella vita ci vuole una terza cosa: semplicemente il coraggio (Teodor Fontane)Tra l'orgój e l'umiltè in-t-la vìtta a gh' vól 'na tèrsa còza: semplicemént al coràg' (www.parmaindialetto.it) Chi teme il futuro, si rovina il presente(Lothar Schmidt)Chi gh'à paùra dal futùr, al 's ruvén'na al prezént. (http://www.parmaindialetto.it/) Chi non entra in acqua, non può neanche imparare a nuotare.(Proverbio Tedesco)Chi 'n va mìga déntor in-t-l'acua, al n'é pól gnànca imparär a nodär. (www.parmaindiletto.it)
Campionato di calcio serie B 2008-2009 prima partita casalinga del Parma allo stadio Ennio Tardini
Campjonät äd calcio serie B 2008-2009 prìmma partìda in ca’ dal Pärma al camp sportìv Ennio Tardini
(testi solo in dialetto Parmigiano) Il Pageli di Crozè in djalètt Pramzàn.
Parma Rimini 1-1
Pavarén sìncov : l’éra ancòrra in vacansa chilù e si chi fan alenamént da ‘n méz, ‘na dormìda giganta e mäj sicur
Troest séz : da la paura äd sbaljär l’é stè in-t-i prìmm dàn, dardè discrèt, ma cme impostasjón lasämma pärdor
Castlén sìncov : Pavlén l’ha arcminsè in do l’äva fnì, intrégh, pòch precìz, inùttil cuäsi pericolóz, däros ‘na mòsa subit par piazér
Paci séz : sufcént njént’äd pù, intrégh anca lù, timoróz du pè da zgrizór insòmma da migliorär e parècc
Lucaréli (picén) séz : al m’è piazù, decìz, sénsa paura, però l’ha scambiè al Tardini p’r al zardén äd cà sòvva dato ch’ al pasäva sémpor la bala a so fradél
Morón sìncov : Stefano t’ è béle zughè al bonus no ? äd solit al zbalia ‘na partìda a l’ an’, da chi inànz a sèmma trancuìl, ch’al farà sémpor stravèddor
Budel sìncov : l’é dzèvvod cme un pjat äd la mensa äd l’ospedäl ! in méza al camp cära al me lòmo in serie B a ‘d gh’è da cmandär tì, miga ch’j ätor capì ???
Leon déz : Leon äd nom e anca äd fàt, al pu bón in camp sens’ ätor, grènta técnica concretèssa fantazìa ! s’ al contìnua acsì a’s farà divertìr dabón !
Reginäld sìncov : al fa un cuädor e po’ quand l’é drè fnìrol al gh’ é straja insìmma tut i colór! Al sòlit, a cónt fàt njét’ äd bón
Kutuzov cuator: insòmma a’s vèdda che in pianura al né ’s cata miga bén, n’andadùra imbarasànta, ‘na mìssa da trisètt o da conchén pù che zugadór! mah !
Lucaréli (grand) séz : séns’ ätor méj dispòst rispét a l’ an’ pasè, so cuant chilo in meno, sperèmma ch’al càta al gol ala zveltén’na e ch’al ne lèsa pù lì
Paloschi séz : un gol magnè incredìbil, ma cualitè impìggn e bón’ni zugädi, un gran bél colp äd marchè secónd mi ! avanti ragasén sénsa paura
Cagni séz : cuàtor atacànt j’én un po’ tròp, però in complés a’s vdda parèci còzi pozitivi, certo ch’ a gh’è d’ andär in forma subìt sionò a’s pérda di cólp béle a l’inìssi e a’n va miga bén
Pubblich déz : sens’ ätor da serie A, curva meraviljósa, e tut al resta a drè ! la serie B la podrìss sarvìr anca a nojätor a tornär coj pè par tèra, a condisjón ch’ la dura n’an’ e basta ! AVANTI CROCIATI ! (Tgnèmmos vìsst)
(Testi di Crociato 63) (Supervisione ortografica di Enrico Maletti)
(Testo blu in Italiano) Un Saluto a tutti. Oggi 29 Agosto 2008 è stato aperto il blog di Parmaindialetto. Ci sentiamo in questi giorni. Siamo sempre noi... quelli dihttp://www.parmaindialetto.it/ E da buoni Parmigiani teniamoci visti e vogliamoci bene
(Testo giallo dialetto parmigiano) Un Salùt a tùtti. Incó 29 Agòst 2008 l’é stè avèrt al blog äd Parmaindialetto. A’ s ‘sintìmma in chi gióron chì. Sèmma sémpor nojätor ... còj äd http://www.parmaindialetto.it/ E da bon Pramzàn tgnèmmos vìsst e vrèmmos bén